AXA MBASKın portfeli sosial sığorta növləri ilə şaxələnib

AXA MBASK sığorta şirkəti bu ilin 9 ayında 12 mln 204,14 min manat mükafat yığıb. Bu, ötən ilin eyni dövründəkindən 1 mln azdır. 

İcbari Sığorta Bürosuna üzvlük hesabına icbari və könüllü növlər arasında fərq azalıb – 2 il əvvəl könüllü mükafatlar 98,97% idi, ötən il 60,25%, bu il 54,7% və ya 6 mln 670,8 min manatdır. 

Daha çox mükafat yenə avtomobillərin КАСКО sığortası üzrədir - 2 mln 818,35 min manat. Amma əvvəllər bu növün könüllü mükafatlarda xüsusi çəkisi 60% idi, indi 42,3%-dir. 

Qalan növlər üzrə mükafatlar belədir: əmlakın yanğından və başqa risklərdən sığortası 1 mln 415,28 min manat (il ərzində + 300 min), KTS 1 mln 257,51 min manat (2 dəfə artım), bədbəxt hadisə və xəstəliklərdən sığorta - 310,44 min manat. 

Xaricə səyahət sığortası üzrə 81,27 min manat, yük sığortası üzrə 298,37 min, hava nəqliyyatının sığortası üzrə 39,08 min manat toplanıb. 

Mülki məsuliyyətin sığortası üzrə 421,99 min manat: ümumi mülki məsuliyyətin sığortası üzrə 313,22 min, avtonəqliyyat vasitələri sahiblərinin mülki məsuliyyətinin sığortası üzrə 60,67 min, işə götürənlərin məsuliyyətinin sığortası üzrə 41,88 min manat yığılıb. 

İcbari növlər üzrə mükafatlar 5 mln 533,34 min manat təşkil edib. Bunun 5 mln 292,37 min manatı avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrədir. Daşınmaz əmlakın icbari sığortası şirkətə 227,85 min manat, daşınmaz əmlakın istismarı zamanı mülki məsuliyyətin icbari sığortası 13,12 min manat gətirib. 

Şirkətin ümumi sığorta ödənişləri 6 mln 56,95 min manat olub. Daha çox ödəniş avtosığorta üzrədir - 2 mln 764,31 min manat. KTS üzrə 953,54 min manat, yanğın üzrə 132,81 min manat, bədbəxt hadisələrə görə 62,86 min manat, səyahət sığortası üzrə 9,29 min manat, yük sığortası üzrə 4,68 min manat, əməkdaşların dələduzluğundan sığorta üzrə 518,02 min (mükafat 109,82 min manat) ödənilib. İcbari ödənişlərdə AVSMMİS liderdir - 157,44 min manat. 

AXA MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir. 

Ödənilmiş nizamnamə fondu 8,7312 mln manatdır. 

"MBASK"ın ölkədə 5 filial və təmsilçiliyi var.  2010-cu ilin oktyabrında MBASK əsas səhmdarını dəyişib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb. 

   AXA Group – maliyyə mühafizəsi sahəsində dünya lideridir, o öz fəaliyyətini bütün dünya üzrə 57 ölkədə, daha çox Avropa, Şimali Amerika, Asiya-Sakit okean regionunda və Yaxın Şərqdə cəmləşdirməklə həyata keçirir. İcbari sığorta növləri şirkətin 5 regional ofisində və ölkənin müxtəlif bölgələrində fəaliyyət göstərən 70-dən artıq agentlikdə həyata keçirilir. Sığorta vəsiqələri isə İcbari Sığorta Növləri Bürosunun vahid məlumat sisteminə qoşulmaq şərtilə on line rejimində buraxılır.

 İcbari sığortanın qaydaları və tarifləri barədə əlavə məlumatı www.icbari.az saytında əldə etmək olar.

7 dekabr 2010-cu ildə MBASK-ın lisenziyası adının AXA MBASK-a dəyişməsi ilə bağlı yenilənib.  17D-