AYİB Azərbaycanda Energokrediti təqdim etdi

AYİB Azərbaycanda kiçik və orta müəssisələrdə, yerli şirkətlər və ev təsərrüfatlarında enerji resurslarının daha yaxşı istifadə olunmasını artırmaq üçün “Energokredit” layihəsini təqdim etdi.

Qafqaz Regionunda Enerji Səmərəliliyi Proqramının (QESP) bir hissəsi olan bu layihə regiondakı tərəfdaş banklara 125 milyon dollarlıq kredit xəttinin açılması vasitəsilə regionda dayanıqlı enerji investisiyaların yayılmasına dəstək olan AYİB-nın Dayanıqlı Enerji Təşəbbüsünə öz töhfəsini verir.

www.energocredit.az portalın verdiyi xəbərə görə, Energokredit layihəsinin rəsmi təqdimatı 25 noyabr 2014-cü il tarixində Four Seasons Baku otelində baş tutdu.

Energokredit layihəsinin əsas məqsədi öz müştəriləri arasında dayanıqlı enerji sərmayələrini təşviq etmək üçün yerli maliyyə institutlarına dəstək olmaq, habelə özəl biznes və ev təsərrüfatlarına bu yanaşmaların texniki və maliyyə üstünlüklərini nümayiş etdirməkdir.

Kredit sənaye müəssisələrində və mənzillərdə enerji sərfiyyatını azaltmaq, və bərpa olunan enerji ehtiyatlarından daha geniş istifadəni təşviq etməyə yardım məqsədilə AYİB-in 2007-ci ildən başladığı Qafqaz Regionunda Enerji Səmərəliliyi Proqramının (QESP) bir hissəsidir. Kredit həmçinin Avropa Birliyi Qonşuluq İnvestisiya Mexanizmi, Avstriya Federal Maliyyə Nazirliyi və AYİB Səhmdarlarının Xüsusi Fondu tərəfindən ayrılan qrant vəsaiti də ilə təmin olunub. Bu maliyyə uğurlu sub-layihələr üzrə texniki yardımın göstərilməsinə və investisiya subsidiyaları üçün istifadə olunacaq.

AYİB xüsusi texniki paketi ilə yerli banklar, şirkətlər və ev təsərrüfatlarına dəstək olmaq üçün beynəlxalq məsləhətçilər heyətini də cəlb edib. Bu dəstək şirkətlərə və ev təsərrüfatlarına aşağı keyfiyyətli avadanlıq və materiallardan daha qənaətli və yüksək göstəricilərə malik cihazlara keçidi mümkün edir. Bu da öz növbəsində daha böyük nəticələr və zaman keçdikcə enerji istehlakına görə daha kiçik məbləğdə qəbzlərin gəlməsi ilə nəticələnəcək.

Üç yerli bank - Dəmirbank, Muğanbank və AccessBank artıq proqramdan istifadə etməkdədirlər, Unibank isə qoşulmaqda maraqlıdır. Accessbank AYİB-dan aldığı krediti öz baş ofis binasında enerji səmərəliliyi səviyyəsinin yaxşılaşdırılması üçün istifadə edir. DəmirBank və Muğanbank AYİB-dan alınan vəsaiti enerji səmərəli layihələrin maliyyələşdirilməsi üçün yerli biznes və pərakəndə müştərilərə kredit şəklində ayıracaqlar, Unibank isə bu proqrama yaxın gələcəkdə qatılmağı planlaşdırır. –0—