Bu il ərzində Avropa Yenidənqurma və İnkişaf Bankı (AYİB) Azərbaycanda manat nominallı istiqrazlar buraxacaq. Bu istiqrazları yerli və xarici investorlar arasında yerləşdirmək planlaşdırılır. Bu barədə mayın 8-də keçirilən mətbuat konfransında Cənubi Qafqaz ölkələrinə turne çərçivəsində Bakıda səfərdə olan AYİB prezidenti Suma Çakrabarti bildirib.
Onun sözlərinə görə, bu məsələ Azərbaycan Mərkəzi Bankının İdarə Heyətinin sədri ilə müzakirə olunmuş məsələlərdən biri olub. İstiqrazların yerləşdirilməsi parametrləri, o cümlədən onların tarifi hələlik müəyyən edilməyib.
Həmçinin, yerli bankların mümkün birləşməsi zamanı AYİB-in bank kapitalında iştirakı, orta və kiçik sahibkarlığa, habelə bələdiyyələrə dəstək, kənd təsərrüfatı sektorunun xüsusi mexanizm üzrə maliyyələşdirilməsi və s. də AMB-də müzakirə predməti olub.
AYİB sədri Azərbaycan prezidenti İlham Əliyevlə görüşdə ölkənin qeyri-neft sektoruna birbaşa xarici investisiyaların cəlb edilməsi üçün şərtləri açıqlayıb. Bu, iqtisadiyyatın və idarəetmənin şəffafığı, korrupsiyaya qarşı mübarizə və qeyri-neft şirkətlərində müasir korporativ idarəetmə standartlarının tətbiqidir.
AYİB həmçinin “Şahdəniz-2” və “Cənub qaz dəhlizi” layihələrinin sindikatlaşmış kreditləşməsində iştirak məsələsinə baxır. Bu məsələlər üzrə qərarlar bu ilin yayında qəbul edilə bilər, deyə AYİB-in Bakı nümayəndəliyinin sədri Nil Makkeyn bildirib.
Turan-ın bankın Azərbaycan şirkətlərinin kapitalında iştirakı haqqında sualına cavabda o qeyd edib ki, bu gün AYİB 3 özəl bankın və 3 qeyri-maliyyə şirkətinin kapitalında təmsil edilib. Daha 4 qeyri-maliyyə şirkəti üzrə təkliflər baxılma mərhələsindədir. AYİB prezidenti Suma Çakrabarti əlavə edib ki, bankın şirkətlərin kapitalında iştirakı onların inkişafına təkan verir və korporativ idarəetmə səviyyəsini artırır.
Bakıya səfəri zamanı Suma Çakrabarti biznes və vətəndaş cəmiyyəti nümayəndələri ilə də görüşəcək.
Azərbaycanla əməkdaşlıq etdiyi 23 il ərzində AYİB Azərbaycan iqtisadiyyatına 156 layihə üzrə 2 mlrd. 330 mln. avro kredit və investisiya yatırıb. -08B-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz