![AYİB-lə QKDK-nın əməkdaşlıq predmeti gizlədilir](https://turan.az/resized/750/500/resize/media/2013/main/120600060605.jpg)
AYİB-lə QKDK-nın əməkdaşlıq predmeti gizlədilir
Avropa Yenidənqurma və İnkişaf Bankının (AYİB) nümayəndə heyəti ilə Kağızlar üzrə Dövlət Komitəsinin (QKDK) rəhbərliyi arasında görüş olub. Amma tərəflər əməkdaşlıq predmeti barədə məlumat vermirlər.
QKD-nın ictimaiyyətlə əlaqələr sektorunun məlumatına görə, QKDK-nın sədri Rüfət Aslanlı «regionun inkişafında mühüm rol oynayan AYİB ilə əməkdaşlıq əlaqələrini yüksək qiymətləndirdiyini və birgə layihələrin həyata keçirilməsində əməkdaşlıq etməkdən məmnunluğunu” bildirib.
Hansı layihələrdən söhbət getdiyi məlum deyil. Mətbuat xidməti bu mövzuda sual verməməyi xahiş edib.
Rüfət Aslanlı AYİB Milli Valyuta və Kapital Bazarlarının İnkişafı üzrə direktoru Andre Kuusvekə «“2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramı çərçivəsində həyata keçirilmiş tədbirlərin nəticəsi olaraq, bazarda yeni imkanların yarandığını, qabaqcıl beynəlxalq standartların tətbiqi istiqamətində müəyyən nailiyyətlərin əldə olunduğunu, son dövrdə investorlar arasında İPO-lara marağın artdığını görüş iştirakçılarının diqqətinə çatdırıb.
Londonlu qonaq QKDK rəhbərliyinə «beynəlxalq maliyyə bazarlarında baş verən proseslər barəsində” danışıb. O bildirib ki, bank kapital bazarlarında beynəlxalq standartların tətbiqini yüksək qiymətləndirir. Məlumatda bu islahatların istiqaməti barədə danışılmır. Andre Kuusvek Rüfət Aslanlıya «yerli bazarda işgüzar əlaqələrin qurulması istiqamətində potensialın yüksək olduğunu və birgə maraq doğuran bazar əsaslı əməkdaşlıq imkanlarından yararlanmaq istəklərini” bildirib.
Bu il QKDK AYİB-dən bir neçə missiyanı qəbul edib və hər dəfə görüşlərin detalları gizli saxlanılıb. 08D
-
- Cəmiyyət
- 6 Dekabr 2013 14:20
-
- İqtisadiyyat
- 6 Dekabr 2013 14:34
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Rəy yaz