![Azad ticarət zonası yaradılır](https://turan.az/resized/media/2016/main/031900150469-750-500-resize.webp)
Azad ticarət zonası yaradılır
Prezident İlham Əliyev Bakı şəhəri Qaradağ rayonunun Ələt qəsəbəsində yeni Bakı Beynəlxalq Dəniz Ticarət Limanının ərazisi daxil olmaqla azad ticarət zonası tipli xüsusi iqtisadi zonanın yaradılması ilə bağlı tədbirlər haqqında sərəncam imzalayıb.
Qərar ölkənin logistika və nəqliyyat mərkəzi kimi mövqeyinin gücləndirilməsi məqəsədilə verilib.
«Xüsusi iqtisadi zonalar haqqında» AR qanunu 2009-cu ilin aprelində qəbul edilib. Ələt xüsusi iqtisadi zonası qanun qəbul ediləndən sonra ilk olacaq.
İqtisadiyyat Nazirliyinə tapşırılır ki, altı ay müddətində öz təkliflərini təqdim etsin. Azərbaycanda xüsusi iqtisadi zonalara dair qanunvericiliyin təkmilləşdirilməsi də təkliflərdə əksini tapmalıdır. Bunun üçün beynəlxalq məsləhətçi şirkət cəlb edilməlidir. Zonada sahibkarlıq fəaliyyətinin növləri və onların xüsusiyyətləri ilə bağlı məsləhətləşmələr də vacibdir.
Ekologiya və Təbii Sərvətlər Nazirliyi, Əmlak Məsələləri Dövlət Komitəsi və Bakı Şəhər İcra Hakimiyyəti ilə birlikdə zonanın ərazisini müəyyən etməlidir. Həmin ərazinin torpaq sahələrinin mülkiyyətçiləri və torpaq istifadəçiləri ilə bağlı məsələlər də həllini tapmalıdır. 08D
-
- İqtisadiyyat
- 19 Mart 2016 20:11
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz