2016-cı ilin yanvar-fevral aylarında istehlak qiymətlərinin (inflyasiya) artım tempi illik hesablamada 11,7% təşkil edib. Dövlət Statistika Komitəsi bildirib.
Xatırladaq ki, ötən il fevralın 21-də milli valyuta (manat) sərbəst konvertasiya olunana valyutaya nisbətdə iki dəfədən çox ucuzlaşıb (1 ABŞ dollarına görə 0,78 manatdan 1,63 manatadək). Statistika hesablayıb ki, manat bu müddətdə istehlak bazarında alıcılıq qabiliyyətini cəmi 11,7% itirib.
Dövlət Statistika Komitəsinin məlumatına görə, bu ilin yanvar-fevral aylarında ərzaq malları 2015-ci ilin yanvar-fevral ayları ilə müqayisədə 14,8% bahalaşıb. Həmin müddətdə qeyri-ərzaq malları orta hesabla 15,7% bahalaşıb. Əhaliyə pullu xidmətlər də 4% baha təklif olunur.
Təkcə bu ilin fevralında aylıq inflyasiya 0,4% təşkil edib. Ay ərzində ərzaq mallarının qiyməti
0,6%, qeyri-ərzaq malları 0,6%, xidmətıər 0,1% artıb.
DSK-nın hesablamalarına görə, illik hesablamada çörək və yarma 19,5%, balıq məhsulları 10,5%, ət məhsulları 6,5%, süd məhsulları 12,1%, yağ 29,4%, qənd və qənnadı məmulatları 16,6%, çay, kofe 29,8%, mineral sular və sərinləşdirici içkilər 18,7%, spirtli içkilər 17,4% bahalaşıb. İl ərzində siqaretin pərakəndə satış qiyməti 218,9% bahalaşıb. 08D
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz