“Azərbaycan Aviasiya Xətləri” (AZAL) dövlət şirkəti aşağı büdcəli daşıma xətlərinin (loukost-istiqamətlər) yaradıldığını və bütün reyslərdə aşağı tarifli yerlərin tətbiq edildiyini elan edib. Bu barədə dövlət şirkətinin mətbuat xidmətinin məlumatında bildirilir.
Xüsusən, Azal aşağıdakı marşrutlar üzrə aşağı büdcəli daşıma xətti yaradır:
- Bakı-Antalya-Bakı – bu ilin avqustundan etibarən həftədə üç dəfə;
- Bakı-İstanbul-Bakı – bu ilin sentyabrından etibarən gündə bir reys;
- Bakı -Moskva-Bakı – bu ilin oktyabrından etibarən gündə 2 reys;
- Bakı-Dubay-Bakı – bu ilin oktyabrından etibarən gündə 1 reys.
Bu istiqamətlərdə loukosterlər üçün tipik olan aviadaşıma biznes modeli tətbiq ediləcək. Uçuşlar Embraer təyyarələri ilə həyata keçiriləcək. Bu istiqamətlərdə aviabiletlərin yekun satış qiyməti birtərəfli reys üçün 99 avrodan çox olmayacaq.
Bundan başqa, bütün mövcud reyslərdə qiymətlərin endirilməsinə yönəldilmiş yeni tarif siyasətinin tətbiqi haqqında qərar verib.
Belə ki, bu il avqustun 1-dən etibarən bütün AZAL istiqamətləri üzrə bütün mövcud minimum ekonom-klass tariflərindən 20% endirim tətbiq ediləcək. Bu tarif üzrə həyata keçirilən biletlərin sayı oturacaq yerlərinin 30%-i təşkil edəcək. Bu zaman sərnişinlər üçün ekonom-klass xidmətlərinin bütün növləri saxlanacaq, deyə dövlət şirkətinin məlumatında bildirilir. -02D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz