AZAL biletləri bahalandırmağı düşünmür
Tarif (qiymət) Şurası noyabrın 28-də SOCAR daxilində tariflərin və reaktiv mühərrik yanacağının topdan qiymətinin artırılması barədə qərar qəbul edib. Qərar dekabrın 1-dən qüvvəyə minir.
Mövcud tariflər (https://goo.gl/9H2uW1) 2015-ci ilin yanvarında qəbul edilib. O vaxt SOCAR rəhbərliyinin təşəbbüsü ilə reaktiv mühərrik yanacağının qiyməti 338,20 manata çatdırılıb. Şuraını son qərarı ilə bu tarif 415,95 manata (+23%) artırılıb.
Bu neft məhsulunun topdan qiyməti dekabrın 1-dən 1 ton üçün 550 manat olacaq. Artım 100 manatdır (+22,2%).
TŞ-nin qərarında qeyd edilir ki, reaktiv mühərrik yanacağının topdan qiymətinin artırılmasının təşəbbüsçüsü SOCAR-dır. Bu neft məhsulunun əsas istehlakçısı “Azerbaijan Airlines” QSC-dir (AZAL). Şirkət “beynəlxalq uçuşlarda xarici aviaşirkətlərin tariflərinə uyğun daşıma tarifləri tətbiq edir», deyə Şuranın məlumatında bildirilir.
AZAL-ın mətbuat katibi Paşa Kəsəmənski Turan-a bildirib ki, aviaşirkətdə biletləri bahalandırmağı düşünmürlər. Ölkə daxilində aviareyslərə tariflərə yenidən baxılması barədə təklif də yoxdur.
Ölkə daxilində biletlərin qiymətini TŞ tənzimləyir. AZAL beynəlxaql reyslərdə biletlərin qiymətini özü müəyyən edir. AZAL hər il Bakı-Naxçıvan-Bakı reysi üzrə ziyanı kompensasiya etmək üçün dövlət büdcəsindən 10 mln manat dotasiya alır. 08B
-
- Cəmiyyət
- 29 Noyabr 2016 14:08
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz