Bakı/13.11.17/Turan: Noyabrın 12-də "Azərbaycan Hava Yolları" (AZAL) QSC və "Boeing"Korporasiyası beş "B787-8 Dreamliner" və iki B747-8F (və yaB777F) təyyarələrinin alınması barədə razılığa gəlib.
Sazişin dəyəri 1,9milyard dollar həcmində qiymətləndirilir. Təyyarələrin gətirilməsi 2019-2020-ci illərə planlaşdırılır, deyə AZAL-ın mətbuat xidməti məlumat verir. Amma maliyyə mənbəyi haqda informasiya verilmir.
Sazişi Sazişi "Azərbaycan Hava Yolları" QSC-nin prezidenti Cahangir Əsgərov və "Boeing Commercial Airplanes"ın prezidenti və baş icraçı direktoru Kevin Makalister (Kevin McAllister) imzalayıb. Saziş ən böyük beynəlxalq aerokosmik sərgi "Dubai Airshow 2017" çərçivəsində imzalanıb.
"Əlavə "787 Dreamliner" təyyarələrini sifariş vermək qərarı aviaşirkətimizin imkanlarını əhəmiyyətli dərəcədə genişləndirəcək - yeni təyyarələrin alınması bizə uçuşların coğrafiyasını genişləndirmək və artan sərnişin axınının öhdəsindən gəlməkdə kömək edəcək. Biz müasir sərnişin təyyarələrinin tədarükü, istismarı və xidməti sahəsində Azərbaycanın etibarlı tərəfdaşı olan "Boeing" Korporasiya ilə əməkdaşlığın genişlənməsindən məmnunuq", -deyə AZAL QSC-nin prezidenti Cahangir Əsgərov bildirib.
"Biz "Azərbaycan Hava Yolları" aviaşirkətinin "Dreamliner" təyyarələrinə dəyişməz etimadını yüksək qiymətləndiririk", - "Boeing Commercial Airplanes"ın Prezidenti və baş icraçı direktoru Kevin Makalister bildirib.
"Azərbaycan Hava Yolları"MDB ölkələrinin aviasiya icmasının liderlərindən biridir. Aviaşirkətin ümumi marşrut şəbəkəsi 25 ölkədə 40 istiqamətdən ibarətdir. 2016-cı ildə "Azərbaycan Hava Yolları" 2 milyondan çox sərnişin daşıyıb.
AZAL ən yeni təyyarə parklarından birinə malikdir. Aviaşirkət "Boeing" Korporasiyası ilə böyük əməkdaşlıq tarixinə malikdir və hazırda "Boeing 787 Dreamliner", "Boeing 767"və"Boeing 757" təyyarələrini istismar edir. Gələn ildən etibarən Azərbaycanın milli aviadaşıyıcısının hava gəmiləri parkına müasir "Boeing-737 MAX"təyyarələri əlavə olunacaq.
"Azərbaycan Hava Yolları" həmçinin "Airbus 340", "Airbus 320", "Airbus 319" və "Embraer 190" təyyarələrini uğurla istismar etməyə davam edir. 08D--
İqtisadiyyat
-
Bakıda keçirilən “Fintex Sammit”in ikinci günü Azərbaycanın sürətlə inkişaf edən fintech sektorunda kibertəhlükəsizlik, hesabatlılıq və nəzarət məsələlərinə həsr olunub.
-
Belarus hökuməti və sənaye nümayəndə heyəti 17-ci Azərbaycan Beynəlxalq “Kənd Təsərrüfatı” – “Caspian Agro” və 29-cu Azərbaycan Beynəlxalq “Qida sənayesi” sərgisi – “İnterFood Azerbaijan” sərgilərində kənd təsərrüfatı və ərzaq təchizatı sahəsində fəal danışıqlar aparır və əməkdaşlığı genişləndirir.
-
Azərbaycan mətbuatında oxucunu bizdə benzinin ucuz olması fikrini təlqin edən yazılar dərc olunur. Adətən, belə yazıların dalğası yanacağın növbəti artımından əvvəl baş verir. Oxuculara başqa ölkədə bütün məşhur markalı benzinlərin qiymətlərindən ibarət “benzin orta qiyməti” izah edilir və orta qiymət Aİ-92 markalı ucuz Azərbaycan benzininin qiyməti ilə müqayisə edilir. Bir neçə ildir ki, onun litri 1 manata satılır və növbəti yüksək keyfiyyətli benzin olan Aİ-96 Azərbaycanda iki dəfə bahadır - litri 2 manat, halbuki bu yanacaq markasının keyfiyyəti və enerji tutumu iki dəfə yaxşı deyil. Ölkəmizdə yanacaq bazarında firavanlıq illüziyası yaratmağın ən geniş yayılmış yolu azərbaycanlıların ölkədəki orta əməkhaqqı ilə əlaqəli alıcılıq qabiliyyəti meyarına məhəl qoymamaqdır. “Turan” bu məqalədə Azərbaycan da daxil, bir neçə ölkə vətəndaşlarının bir aylıq orta əməkhaqqı müqabilində Aİ-92 (müntəzəm) markalı benzin almaq imkanlarını müqayisə edəcək.
-
Mayın 15-də Tbilisidə Azərbaycan, Gürcüstan, Macarıstan və Rumıniya arasında “Yaşıl enerjinin inkişafı və ötürülməsi sahəsində Strateji Tərəfdaşlıq Sazişi”nin icrasına yönəlmiş yeddinci nazirlər görüşü keçirilib.
Rəy yaz