![AZAL ziyana düşür](https://turan.az/resized/./turan-750-500-resize.webp)
2012-ci ildə hava nəqliyyatında sərnişin daşıyanlar 33,2 mln manat ziyana düşüb. Halbuki sərnişin axını (+14,3%) və mədaxil (+24,1%) artıb.
Xarici şirkətlərdən fərqli olaraq, Azərbaycan aviaşirkətləri maliyyə hesabatını açıqlamır və KİV-ə təqdim etmirlər. Yeganə informasiya mənbəyi Dövlət Statistika Komitəsidir. Bu qurum hava nəqliyyatında sərnişin daşınmasından gəlir və xərcləri ümumi şəkildə elan edir. DSK-da Turan-a bildiriblər ki, 2012-ci ildə 3 aviaşirkətin gəlirləri (“Azerbaijan Airlines”, “Turan Air” “Silk Way Business Aviation”) 225,6 mln manat olub. Şirkətlərin sərnişin daşınması xərcləri 5,7% artaraq 258,8 mln manat təşkil edib.
2012-ci ildə Azərbaycan aviaşirkətləri müstəqillik dövründə rekord sayda sərnişin daşıyıblar -1,6 mln nəfər. Daşımaların və yəqin, ziyanın da 98,5%-i AZAL-ın payına düşür. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz