«Azər-Türk Bank»ın aktivləri 29,1% azalıb

2016-cı ildə «Azər-Türk Bank»ın aktivləri 2015-ci ilə nisbətən 196 mln 87 min manat və ya 29,1% azalaraq 475 mln 794 min manat olub.

Turan-ın məlumatına görə, hesabat dövründə bank 150 mln 162 min manat kredit verib. Bu, 2015-ci ildəkindən 63,27% və ya 258 mln 698 min manat azdır.

2016-cı ildə 31 mln 453 min manat, 2015-ci ildə 30 mln 980 min manat istehlak krediti verilib.

Hesabat dövründə bankın öhdəlikləri 204 mln 161 min manat və ya 32,97% azalaraq 414 mln 903 min manat olub.

«Azər-Türk Bank»da depozitlər 267 mln 976 min manata (artım 25 mln 17 min manat və ya 10,29%) çatıb.

Əhalinin əmanətləri 23% və ya 40 mln 760 min manat azalaraq 135 mln 954 min manat olub. Əhalinin tələb olunanadək əmanətləri 64 mln 802 min manat, müddətli əmanətləri 71 mln 151 min manat olub.

2016-cı ildə bankın kapitalı 13,3% və ya 6 mln 792 min manat artaraq 57 mln 683 min manata çatıb.

İl ərzində bankın filial sayı 7-dən 11-ə, POS-terminal sayı 48-dən 130-a, bankomat sayı 12-dən 16-ya, əməkdaşlarının sayı 313-dən 382-yə artıb.  

2016-cı ildə «Azər-Türk Bank» müştərilərə 27 min 960 plastik kart verib. 2015-ci ildə bu göstərici 16 min 445 olub.

Ötən il bankın mənfəəti 7 mln 337 min manat təşkil edib.

Nizamnamə kapitalı 50 mln manatdır. 71D