![Azərbaycan alman iş adamlarını işğaldan azad edilmiş ərazilərdə həyata keçirilən layihələrdə iştirak etməyə çağırıb](https://turan.az/resized/news/2024/hhn4tvo7C8f4hfvKX1IGhjO4mR790cHZYCa6pSbN-750-500-resize.webp)
Azərbaycan alman iş adamlarını işğaldan azad edilmiş ərazilərdə həyata keçirilən layihələrdə iştirak etməyə çağırıb
Azərbaycan alman iş adamlarını işğaldan azad edilmiş ərazilərdə həyata keçirilən layihələrdə iştirak etməyə çağırıb
Azərbaycanda 180-ə yaxın alman şirkəti uğurla fəaliyyət göstərir, 2023-cü ildə Azərbaycan ilə Almaniya arasında ticarət dövriyyəsi 45,4% artaraq 1,8 milyard dollar təşkil edib.
Bu barədə bu gün Azərbaycan İqtisadiyyat Nazirliyində Almaniyanın Şərq Biznes Assosiasiyasının icraçı direktoru Mixael Harmsın rəhbərlik etdiyi nümayəndə heyəti ilə görüşdə bildirilib.
Görüşdə Azərbaycanda beynəlxalq tərəfdaşların, o cümlədən alman şirkətlərinin fəaliyyəti üçün əlverişli investisiya mühitinin olduğu, əməkdaşlığımızın uğurlu təcrübəsinin iqtisadiyyatın müxtəlif sahələrində əlaqələrin inkişafına təkan verdiyi bildirilib.
Sənaye, tikinti, bərpa olunan enerji, kənd təsərrüfatı, nəqliyyat, logistika, İKT, maliyyə, hüquq, konsaltinq və digər sahələrdə əməkdaşlıqda maraqlı olan Almaniya şirkətlərindən ibarət böyük nümayəndə heyətinin ölkəmizə səfəri Azərbaycan Prezidentiin Almaniyaya səfəri çərçivəsində işgüzar dairələrləgörüşünün nəticəsi idi.
Görüşdə ölkəmizin müəllifi və iştirakçısı olduğu beynəlxalq və regional nəqliyyat və logistika layihələri, “Orta Dəhliz”in yaratdığı imkanlar alman iş adamlarının diqqətinə çatdırılıb.
Sənaye zonalarında, o cümlədən Ələt azad iqtisadi zonasında sahibkarlar üçün yaradılmış əlverişli investisiya mühiti, rezidentlərə tətbiq edilən güzəştlər barədə məlumat verilib.
Bildirilib ki, Azərbaycanın logistika və nəqliyyat imkanlarının artması Almaniya şirkətlərinin ölkədə fəaliyyəti üçün geniş imkanlar açır.
Qeyd olunub ki, BMT-nin İqlim Dəyişikliyi üzrə BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29-un Azərbaycanda keçirilməsi Azərbaycanın “yaşıl” iqtisadiyyatın inkişafına və qlobal problemlərin həllinə verdiyi önəmin göstəricisidir.
Almaniya şirkətlərinin nümayəndələri də öz növbəsində öz təkliflərini səsləndirərək Azərbaycanda müxtəlif sahələrdə, o cümlədən dövlət-özəl tərəfdaşlıq layihələrində, işğaldan azad edilmiş ərazilərdə aparılan tikinti-bərpa işlərində iştirak etməkdə maraqlı olduqlarını bildiriblər.
-
- Cəmiyyət
- 27 Fevral 2024 16:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz