Azərbaycan Beynəlxalq Sığorta Forumunun vaxtı məlum oldu

6-cı Azərbaycan Beynəlxalq Sığorta Forumu (AIIF-2015) iyulun 2-3-də keçiriləcək. Tədbir Fairmont Hoteldə olacaq.

Azərbaycan Sığortaçılar Assosiasiyasının məlumatına görə, forumda maliyyə naziri Samir Şərifov, onun müavini Azər Bayramov, Dövlət Sığorta Nəzarəti Xidmətinin rəhbəri Namiq Xəlilov, MM iqtisadi siyasət komitəsinin sədri Ziyad Səmədzadə iştirak edəcək.

Təşkilatçı Azərbaycan Sığortaçılar Assosiasiyasıdır. Forumda Qafqaz regionunun, həmçinin Mərkəzi Asiya, Avropa, Türkiyə, Rusiya və MDB-nin sığorta, təkrarsığorta və broker şirkətlərinin yüksək struktur nümayəndələri iştirak edəcək Bu, həmin regionlar arasında əlaqələrin möhkəmləndirilməsi üçün çox yaxşı şərait yaradacaq. «Forumda «Sığorta və təkrarsığortanın inkişafı üçün yeni biznes istiqamətlər», «Qafqaz regionunda əmlak sığortası», «Təkrarsığorta zəmanəti və yeni anderraytinq metodları», «Avtomobil sığortası və bazarın inkişafı üçün yeni texnologiyalar», «Bank sığortası və həyat sığortası» mövzuları üzrə panellər təşkil ediləcək.

AIIF-2015 müasir və interaktiv formatda keçiriləcək və Forumda plenar iclas, ikitərəfli görüşlər və workshop formatında muzakirələr təşkil ediləcək. Ənənəvi olaraq, Forum 25-dən çox ölkədən  250-dən artıq şəxsi bir yerə yığır. --17D—