Bakıda Azərbaycan-Britaniya biznes-forumu keçirilir. Tədbirin vacibliyi Azərbaycan iqtisadiyyatına Britaniya investisiyalarının həcmində özünü göstərir – əməkdaşlığın əvvəlindən $ 21 mlrd.-dan çox təşkil edib.
Azərbaycan iqtisadiyyat və sənaye nazirinin müavini Sahil Babayevin sözlərinə görə, Böyük Britaniya bu göstərici ilə xarici investorlar arasında birinci, Azərbaycanın qeyri-neft sektoruna investisiyaların həcminə görə ($ 1,3 mlrd.) isə ikinci yeri tutur.
“Bu gün Azərbaycan bu ölkə ilə neft -maşınqayırma sahəsində əməkdaşlığın inkişafında çox maraqlıdır və biznes-forumun əsas məqsədi budur. Biz istəyirik ki, şirkətlər arasında işgüzar görüşlər çərçivəsində daha konkret məsələlər müzakirə olunsun ki, görüşün yekunlarına əsasən yeni layihələrin və bu sahədə əməkdaşlığın təməli qoyulsun”, - o vurğulayıb.--17D—
İqtisadiyyat
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
-
Azərbaycanın Ekologiya və Təbii Sərvətlər Naziri Muxtar Babayev Davosda keçirilən Dünya İqtisadi Forumu çərçivəsində Beynəlxalq Enerji Agentliyinin İcraçı Direktoru Fatih Birol ilə görüşüb. Tərəflər yaşıl enerjiyə keçid üçün investisiyaların cəlb edilməsi strategiyalarını və Bakıda keçirilmiş COP29 konfransında əldə olunmuş razılaşmaların icrasını müzakirə ediblər.
Rəy yaz