Tbilisi/30.11.15/Turan-BSPRESS: Azərbaycan, Gürcüstan, Qazaxıstan və Çin Asiyadan Avropaya yük nəqli üçün konsorsium yaratmaq niyyətindədir. Bu barədə Gürcüstan Hava Yolları SC-nin məlumatında bildirilir.
İstanbulda Çin-Türkiyə-Avropa Transxəzər beynəlxalq nəqliyyat marşrutunun imkanları və inkişaf perspektivlərinin təqdimatı keçirilib.
Təqdimat Logitrans illik beynəlxalq nəqliyyat-logistika sərgisi çərçivəsində keçirilib. Tədbirdə Türkiyə, Azərbaycan, Qazaxıstan, Gürcüstan və Litvanın iri nəqliyyat-logistika operatorlarının nümayəndələri iştirak ediblər.
“Trans Kavkasus Terminals” MMC artıq beynəlxaq konsorsiumun həmtəsisçiləri ilə birgə çalışır və bütün ölkələrdə bu marşrut üzrə fəaliyyət göstərir, şirkətin direktoru Levan Sulaberidze bildirib.
“Bu layihə çərçivəsində gələn il ərzində Gürcüstan ərazisindən bir neçə min konteynerin buraxılması planlaşdırılır. Yaxın gələcəkdə bu yolla mallar Türkiyə istiqamətində göndəriləcək və gələn ildən Ukrayna vasitəsilə Şimali və Şərqi Avropaya göndəriləcək”, - o bildirib. Onun sözlərinə görə, layihə sayəsində Gürcüstan yenidən tarixi İpək Yoluna çıxacaq.-02D-
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz