SOCAR (Azərbaycan Dövlət Neft Şirkəti) Rusiya qazının Azərbaycana idxalına hələ başlamayıb. Bu barədə şirkətin prezidenti Rövnəq Abdullayev bəyan edib.
11 sentyabr 2015-ci ildə AzMeCo şirkəti "Qazprom Eksport" ilə ildə 2 mlrd kubmetr qaz idxalı barədə saziş imzalamışdı.
""Qazprom” qazı Qaradağ Metanol zavodunu qazla 100% təmin edəcək", - deyə o vaxt Rusiya şirkətində bildirmişdilər.
29 sentyabrda tədarük başlayıb, 20 oktyabrda dayanıb. Azərbaycan tərəfi bunu qeyri-rentabelliliklə əlaqələndirib.
Bundan başqa, SOCAR və "Qazprom" 2015-ci ilin oktyabrından Rusiya qazının Azərbaycana tədarükü üzrə müvəqqəti svop əməliyyatlarının həyata keçirilməsini planlaşdırır. “Qazprom” Azərbaycana yeraltı qaz anbarlarına vurulacaq qaz tədarük edəcək.
"Hələ qaz idxal edilmir. Hazırda danışıqlar gedir, texniki detallar, qaz anbarlarına vurulacaq maksimal həcm müəyyən edilir", - deyə Abdullayev izah edib.
İlkin mərhələdə Rusiyadan Azərbaycana sutkada 10 mln. kubmetr qaz nəql olunacaq. İlkin olaraq bu cür əməliyyatlar çərçivəsində Azərbaycana illik 2 mlrd. kubmetr qazın tədarükü planlaşdırılır.
“Maksimal həcmdə qaz vurmaqla biz qaz anbarlarımızın gücünü yoxlamaq istəyirik. Onların gücü ilkin olaraq 3,5 mlrd. kubmetrə, sonra isə 6 mlrd. kubmetrə qədər artırılsa da, son artımdan sonra yoxlanılmamışdı, beləliklə, biz onları sınaqdan keçirmək istəyirik”, - deyə o bildirib. –12D—
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz