SOCAR Monteneqronun qazlaşdırılması layihəsinə maraq göstərir. Bunu şirkətin prezidenti Rövnəq Abdullayev jurnalistlərə bildirib.
“Biz Albaniyanın qazlazdırılması layihəsi üzərində işlədik. Bu yaxınlarda bu işə Monteneqro da qoşulub. İndi biz Albaniya və Monteneqronun qazlaşdırılması üzrə birgə texniki-iqtisadi əsaslandırılmanın hazırlanması və daha gəlirli olan genişləndirilmiş bir layihənin üzərində düşünürük”, - o qeyd edib.
R.Abdullayevin sözlərinə görə, SOCAR bu məsələyə o kontekstdə baxır ki, Albaniyada TAP qaz kəməri istismara verildikdn sonra bu qazın Avropada distribyusiyasi ilə məşğul olmaq daha maraqlı olacaq.
Xəbər verildiyi kimi, “Albaniya və Azərbaycan arasında Albaniyanın qazlaşdırılması üzrə baş planın inkişafında əməkdaşlığa dair qarşılıqlı anlaşma haqqında” memorandum 2014-cü il dekabrın 19-da imzalanıb.–12D—
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz