Britaniyanın Wood Group servis şirkəti Meksika körfəzində, Böyük Britaniya və Norveç kontinental şelfində və Azərbaycanın dəniz neft-qaz yataqlarında BP-nin sualtı infrastrukturu üçün injinirinq xidmətlərinin aparılması məqsədilə BP şirkətinin podratçısı seçilib. Bu barədə Wood Group-un məlumatında deyilir.
Qeyd olunur ki, beşillik müqavilə şirkətin əməliyyat, proqram, həmçinin sualtı layihələrin idarə olunması üzrə işlərin aparılmasını nəzərdə tutur.
“Müqavilə imzalandığı gündən qüvvəyə minir. Azərbaycanda işlər Wood Group Bakı ofisindən idarə olunacaq”, - məlumatda deyilir.
Wood Group Britaniyanın neft-qaz servis şirkətidir. Mənzil-qərargahı Aberdində yerləşir. 2014-cü ildə şirkətin gəliri $6,57 mlrd. təşkil edib.0--
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz