Azərbaycan hökuməti Asiya İnfrastruktur İnkişaf Bankının təsisçilərindən biri olmaq niyyətini rəsmi olaraq təqdim edib.
Maliyyə Nazirliyinin bu gün verdiyi məlumata görə, hökumətin adından sənəd martın 31-də Çin Xalq Respublikasının Maliyyə Nazirliyinə göndərilib. Bu fondun yaradılmasının təşəbbüskarı Çindir.
Maliyyə Nazirliyinin məlumatında qeyd edilir ki, Azərbaycan Asiya regionunun infrastruktur inkişafının artmaqda olan maliyyə ehtiyaclarının təmin edilməsi məqsədilə yaradılacaq yeni maliyyə institutunun təsisçi üzvü olmaqda maraqlıdır.
Qeyd edək ki, Azərbaycan Dünya Bankından, İslam İnkişaf Bankından, Asiya İnkişaf Bankından, Yaponiya Beynəlxalq Əməkdaşlıq Bankından və digər maliyyə qurumlarından infrastrukturun bərpası və inkişafı üzrə imtiyazlı kreditlər, habelə Çexiyanın Eksimbank-ından, BNP Paribasdan və s. kommersiya kreditləri cəlb edir. -08D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz