![Azərbaycanda qara metal qırıntıları neçəyədir?](https://turan.az/resized/media/2015/main/040300111541-750-500-resize.webp)
Azərbaycanda qara metal qırıntıları neçəyədir?
Ötən il dünya bazarında qara metal qırıntılarının bir tonu 300 dollardan satışa çıxarılıb. İlin sonuna qiymət orta hesabla 240 dollar təklif olunurdu. Lakin 2001-ci ildən qara metal qalıqlarının və qırıntılarının ixracına hökumət qadağası tətbiq edilmiş Azərbaycanda qiymət 150 dollardan çox olmayıb. Ekspertlər bunu bazarın “Baku Steel Company” MMC – ölkədə yeganə metalyayan tərəfindən inhisarlaşması ilə əlaqələndirir.
2012-2014-cü illərdə Azərbaycana cəmi 128,5 min ton qara metal qırıntıları idxal edilib. Mal Azərbaycan gömrüyündə 50 mln. dollara yaxın qiymətlə sənədləşdirilib. Dövlət Gömrük Komitəsinin məlumatına görə, 2012-ci ildə qara metal qırıntılarının bir tonu 395,86 dollar, 2013-cü ildə 385 dollar, ötən il 345,45 dollardan bəyan edilib. Maraqlıdır ki, 2014-cü ildə dünya bazarında bu qiymətlər müşahidə olunmayıb. Ən yüksək qiymət sentyabrda qeydə alınıb – 335 dollar.
2014-cü ildə Azərbaycan Qazaxıstandan qara metal qırıntıları alıb – 17,7 min ton, bunun müqabilində idxalçılar ümumi məbləği 6 mln. dollardan çox olan müqavilə rəsmiləşdiriblər. Qazaxıstan qara metal qırıntılarının bir tonu 344 dollar idi, bu, yerli tədarükçülərdən xırdalanmış qırıntıların alındığı qiymətdən iki dəfədən də çoxdur.
Qeyd edək ki, bu günlərdə “Bakı metropoliteni” QSC ilk dəfə 2000 ton silinmiş metalın (R-50 tipli relslər) satışı üzrə hərrac elan edib. Başlanğıc qiymətlər 236 manat səviyyəsində müəyyən edilib.
Hazırda qara metal qırıntılarının qiyməti azalmaqda davam edir və http://www.metaltorg.ru/cources/scrap/ məlumatına görə, bir tonu 186-213 dollar təşkil edir.
Sahibkar, Milli Məclisin keçmiş üzvü Nazim Məmmədov hesab edir ki, Azərbaycanda qara metal yayılması bazarı “Baku Steel Company” MMC-nin inhisarçı nəzarəti altındadır, o, dövlət hakimiyyətində müəyyən şəxslərin qeyri-rəsmi himayəsindən yararlanır. Metal qırıntılarının ucuz qiyməti, hazır məmulatın baha qiyməti, habelə xoşagəlməz rəqiblərin aradan qaldırılması bu əməllərin nəticəsidir. 08B
-
- İqtisadiyyat
- 3 Aprel 2015 17:33
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz