Azərbaycan hökuməti “Cənub Qaz Dəhlizi” layihəsinin tikintisinin maliyyələşməsi üçün $2 mlrd xarici borc cəlb edəcək.
Financial Times qəzeti yazır ki, “Cənub Qaz Dəhlizi” layihəsinin təmsilçisi - Southern Gas Corridor Company (SGCC) dövlət şirkəti martın 10-da $2 mlrd məbləğində borc öhdəliyi buraxmağa hazırlıq çərçivəsində investorlarla görüşəcək.
Financial Times qeyd edir ki, Azərbaycanın əvvəllər bir avrobondu olub – 2014-cü ildə buraxılan 10 illik kağızlar. Yanvar-fevralda onların gəlirliliyi 1 f b artaraq 6,7% olub. Sonradan yenidən 5,7% səviyyəsinə qayıdıb.
Maliyyə Nazirliyinin məlumatına görə, 10-16 mart tarixlərində hökumət heyəti London, Nyu York, Los-Anceles, San-Fransisko və Boston şəhərlərində investorlarla görüşlər keçirəcək. Bazar şərtlərindən asılı olaraq istiqraz emissiyası 1 mlrd. ABŞ dolları həcmində proqnozlaşdırılır”, - deyə nazirlikdən bildirilib.
Nümayəndə heyətinə maliyyə naziri Samir Şərifov rəhbərlik edir.
Məlumatda bildirilir ki, yerləşdirmə "Şahdəniz-2" və “Cənub Qaz Dəhlizi” layihəsinin (SOCAR 16,7%, TANAP 58%, və TAP 20%) maliyyələşməsi üçündür.
Nazirlər Kabinetinin 7 mart 2016-cı il tarixli qərarına əsasən, istiqrazların beynəlxalq maliyyə bazarlarında yerləşdirilməsi üçün "Citi Bank", "UniCredit", "JP Morgan" bankları səlahiyyətləndirilib. “Lazard Freres SAS” şirkəti isə Azərbaycan tərəfinin maliyyə məsləhətçisi rolunda cıxıs edir.. –0--
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz