Аzərbaycan ilk dəfə quş əti ixracına başlayıb və çox ucuz qiymətə

Аzərbaycan müstəqillik dövründə ilk dəfə quş əti ixracına başlayıb. Respublika Quşçular Cəmiyyətində bundan xəbərdar deyillər.

Gömrük Komitəsinin məlumatına görə, bu ilin 9 ayında Çinə (4,5 ton) və Tailanda (159,9 ton) təzə və dondurulmuş broyler tədarük edilib. Bir ton məhsul $1000-a satılıb. Çin məhsulu demək olar ki, havayı alıb - tonu $200-a.

RQC sədri Aydın Vəliyev Turan-a deyib ki, Azərbaycandan quş əti ixracı barəd deyilənlər həqiqətə uyğun deyil. «Toyuq ətini maya dəyəri 3 dollar olduğu halda 1 dollara necə satmaq olar?», deyə o təəccüblənib. Vəliyevin sözlərinə görə, broyler fabrikləri ixracata hazırlaşır, bu məqsədlə RF-dən mütəxəssislər gəlib. Hələlik Rusiyanın broyler məhsulu alacağını demək tezdir, deyə o bildirib.    

Mütəxəssislərə görə, Azərbaycan ayda 1500 ton quş əti və yarımfabrikat ixrac edə bilər.

Bu il ölkəyə quş əti idxalı artıb. Yanvar-sentyabrda Braziliya, Türkiyə, Niderland, Belçika və Çindən quş əti idxalı həcmi 6 367,4 ton olub.  Bu, ötən ilkindən 2,5 dəfə çoxdur.

Bu il 1 kq quşçuluq məhsulu 71.3 sentə idxal edilib. Ötən il bu göstərici 76,8, 2012-ci ildə 73 sent olub. Pərakəndə satışda bu mal 6 dəfə baha satılır.

Dövlətstatkoma görə, ölkədə quşçuluq məhsuluna tələbat ildə 100 min ton və ya 1 nəfər 10,5 kq-dır. 08B