“Azərbaycan İnvestisiya Şirkəti” ASC “Milk-Pro” MMC-də maliyyə auditi keçirir. Ardınca, yəqin, süd şirkətində 20% aktivdən imtina edəcək.
Bu günlərdə AİŞ auditor xidməti üzrə 16 min manatlıq ("L.B. Audit Xidməti" MMC) müqavilə bağlayıb. Auditor dəyərsizləşmə modellərinin və ehtimalların nəzərdən keçirilməsi xidməti də göstərəcək, deyə Dövlət Kommersiya Müqavilələri Reyestri məlumat verir.
AİŞ-in məlumatına görə, “Milk-Pro” zavodunun tikintisinə 2008-2012-ci illərdə $12 mln 230 min investisiya qoyub. Yeni zavoda cəmi $27 mln yatırım olub.
AİŞ 2007-ci ildə “Milk-Pro”nun kapitalında 20% pay sahibi olub. Payçılar sırasında AYİB də var - 10%. Qalan 70% yerli investorlarındır.
“Milk-Pro” MMC şirkəti 1991-ci ildə tibbi-bakterioloji süd məhsulları istehsal edən şirkət kimi təsis edilib. 1994-cü ildən ümumi süd məhsulları da istehsal etməyə başlayıb.
Şirkətin tərkibində 3 süd emalı müəssisəsi, 2 meyvə emalı müəssisəsi var. «SEVIMLI DAD» mağazalar şəbəkəsi də bura daxildir.
AİŞ maliyyə hesabatını açıqlamır. Ona görə məlum deyil, son 7 ildə “Milk-Pro” MMC-də 20% paydan gəliri olubmu? 08B
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz