Azərbaycan kapital bazarına yardım haqqında qrant müqaviləsi bağlanılıb

Bu gün Bakıda Qiymətli Kağızlar Komitəsi ilə İsveçrə hökuməti arasında texniki yardım müqaviləsi bağlanılıb. Sənədi QKDK sədri Rüfət Aslanlı və İsveçrənin Azərbaycandakı səfiri Səbinə Ulman imzalayıb. 

$1,6 mln həcmində qrant “Kapital bazarının müasirləşdirilməsi” layihəsinin 4 komponentindən ikisinin həyata keçirilməsi üçün istifadə ediləcək. Bunlar hüquqi və tənzimləyici çərçivələrin yenilənməsi və gücləndirilməsi və təklifin stimullaşdırılmasıdır. 

Aslanlının sözlərinə görə, QKDK “Qiymətli kağızlar bazarı haqqında” qanun layihəsi üzərində işi başa çatdırıb və onu Nazirlər kabonetinə təqdim edib. Bu qanunvericilik aktı qəbul ediləndə Azərbaycan QK bazarı yeni keyfiyyət səviyyəsinə qalxacaq. 

Xanım Ulman qeyd edib ki, 10 il əməkdaşlıq müddətində İsveçrə Azərbaycana $70 mln texniki yardım ayırıb.       

“Kapital bazarının müasirləşdirilməsi” layihəsinin aktiv həyata keçmə mərhələsi ayın sonunda operator-məsləhətçinin iştirakı ilə başlayacaq. Layihənin bazar iştirakçılarının potensialının gücləndirilməsi və bazar infrastrukturunun təkmilləşdirilməsi komponentləri də var. Layihənin qiyməti $15,8 mln-dur. Bunun $12 mln-u Beynəlxalq Yenidənqurma və İnkişaf Bankı (Dünya Bankı qrupunun üzvü) maliyyələşdirir. 09C