Azərbaycan Minsk zavodunun Rusiya sifarişini necə xilas etdi

Bakı ilə Sumqayıt arasında 2015-ci ilin mayından elektrik qatarlarının hərəkətinin bərpası layihəsinin bir nüansı məlum olub.

“Belteleradio” şirkətinin müxbiri İlona Krasutskaya Lukaşenkonun "Ştadler Reyl Qrup" şirkətinin rəhbəri ilə görüşü barədə 1 avqustdakı reportajında məlumat verib ki, Azərbaycanın 2 mərtəbəli qatarları almasına səbəb Rusiyanın sifarişdən imtinası olub.

«Ötən il (2015 – red) şirkətdə çətinlik yarandı. Rusiya tərəfi böhrana görə 2 mərtəbəli qatarları ala bilmədi. Cəmi 1 qatar aldılar. Amma "Ştadler Minsk" vəziyyətdən çıxış yolu tapıb onları Azərbaycana satdı», deyə Krasutskaya məlumat verir.

Məhz bu səbəbdən ötən ilin martında Bakı ilə Sumqayıt arasında təmir işləri başlayıb. Mayın 30-dan ilk qatarlar hərəkətə başladı. Rəsmi işə salma isə 15 sentyabrda oldu.

2016-cı ilin iyununda 5 qatarın sonuncusu buraxıldı. O, 4 vaqondan ibarətdir. 919 sərnişin tutur. 396 oturacaq, 84 biznes sinif yeri var. Müqavilənin ümumi məbləği   70 mln, ödənilmə müddəti 20 ildir.

Belarus müxbirin dedikləri onu göstərir ki, yolun bərpasına səbəb əhaliyə qayğı yox, bir sıra biznes maraqlardır.

Xatırladaq ki, indiki hakimiyyət zamanı Bakı-Sabunçu-Mərdəkan-Suraxanı dairəvi yolu məhv edilib. Bütün infrastruktur dağıdılıb və satılıb.—0—