Azərbaycan Monteneqro hökumətinə yol-nəqliyyat infrastrukturu layihəsi üçün 170 mln kredit verməyə hazırlaşır. Bu barədə iyulun 5-də Azərbaycan KİV-i Monteneqro mətbuatına istinadən məlumat verir.
Məlumatda deyilir ki, vəsaitin Veriqe boğazı üzərindən körpünün tikintisinə sərf olunacağı gözlənilir. Kreditin müddəti 15 il təşkil edir. Gözlənilir ki, vəsait "Monteput" dövlət müəssisəsinə ayrılacaq.
Nazirlər Kabinetinin beynəlxalq kreditlər və texniki dəstək şöbəsində Turan-a deyiblər ki, bu danışıqlar barədə onlarda məlumat yoxdur.
Qeyd edək ki, Veriqe boğazının dərnliyi 30 metr, ən nazik yerdə eni 300 metrdir. Qarşıdakı Boka-Kotor körfəzində Azərbaycan şirkəti Portnovi turist kompleksi tikir. Obyektə 500 mln avro investisiya qoyulur. İnvestor “Azerbaijan Global Investments”dır (AGI ). Monteneqroda təsis edilən “Azmont Investments” şirkəti ona məxsusdur. AGI-nin təsisçiləri Pasha Holding, AtaHolding və Synergy Groupdur.
Xatırladaq ki, 2012-ci ildə Azərbaycan Serbiya hökumətinə yol tikintisi üçün 15 illiyə 300 mln avro kredit ayırıb.
Dövlət krediti həmçinin BTQ dəmir yolu xəttinin tikintisi üçün gürcüstan hökumətinə ayrılıb. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz