Azərbaycan neftinin ixrac qiyməti bir barrelə görə 113 dollardi

Azərbaycan Dövlət Gömrük Komitəsinin (ADGK) sayğaclarının göstəricisinə əsasən, 2013-cü ilin yanvar-fevral aylarında xarici bazarlara 5 mln. 636 min 944 ton xam neft çıxarılıb. Ötən ilin müvafiq dövrü ilə müqayisədə Azərbaycan neftinin ixracı 7,6% azalıb. Bu barədə ADGK  məlumat verib.

Eyni zamanda göstərilən müddətdə Azərbaycan neftinin bəyan edilən həcmləri 3 mlrd. 538 mln. 865,5 min dollar məbləğində 4 mln. 231 min 6683 ton təşkil edib. Bu məlumatlara əsaslanaraq belə nəticəyə gəlmək olar ki, ilin əvvəlindən Azərbaycan neftinin orta ixrac qiyməti bir tona görə 836,28 dollar yaxud bir barrelə görə 113,01 dollar təşkil edib. 

Bundan əlavə, ADGK məlumat verib ki, ixracın ümumi həcmindən 249 min 601 ton Bakı-Novorossiysk boru kəməri, 712 min 703 ton - Bakı-Supsa bou kəməri ilə, 4 mln. 531 min. 665 ton neft - Bakı-Tbilisi-Ceyhan boru kəməri ilə ixrac edilib. Dəmir yolu ilə 142 min. 975 ton ixrac edilib.

Qeyd edək ki, sayğacların göstəricisinə əsasən, 2012-ci ildə Azərbaycandan 34,935 mln. ton həcmdə neft ixrac edilib. Bu həcmdən gömrük deklarasiyası ilə 20,232 mlrd. dollarlıq 24,237 mln. ton neft ixrac edilib. –12B--