Azərbaycan parlamenti «vergi amnistiyası» haqda qanunu qəbul edib

Dekabrın 30-da Milli Məclisin plenar iclasında "Vergiödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında" qanun layihəsini qəbul edib.

Qanun vergi ödəyicilərinin vergi orqanları tərəfindən Vergi Məcəlləsinin 58.7 maddəsinə əsasən tətbiq edilən maliyyə sanksiyaları üzrə yaranmış 2017-ci ilin 1 yanvar tarixinə vergi orqanlarında şəxsi hesab vərəqlərində mövcud olan borcları müvafiq icra orqanı tərəfindən silinməsini nəzərdə tutur.

Qanuna görə, vergiödəyiciləri tərəfindən 2017-ci ilin yanvar ayı ərzində həmin maliyyə sanksiyalarının 30%-i ödənildikdə maliyyə sanksiyalarının ödənilməmiş 70%-i müvafiq icra hakimiyyəti tərəfindən silinir.

 Vergiödəyiciləri tərəfindən 2017-ci ilin yanvar-fevral ayları ərzində həmin maliyyə sanksiyalarının 50%-i ödənildikdə maliyyə sanksiyalarının ödənilməmiş 50%-i isə müvafiq icra hakimiyyəti tərəfindən silinəcək.

 Vvergi ödəyiciləri tərəfindən 2017-ci ilin yanvar-mart ayları ərzində həmin maliyyə sanksiyalarının 70%-i ödənildikdə isə maliyyə sanksiyalarının ödənilməmiş 30%-i müvafiq icra hakimiyyəti tərəfindən silinəcək.

Vergilər Nazirliyinin məlumatına görə, bu qanunun qəbulu nəticəsində 624 mln. manata yaxın vergi borcunun silinmısi gözlənilir.

Qanun 44,704 min vergiödəyicisinə şamil ediləcək ki, bunun 1,037 minini dövlət  sektoru,

43,667 mini özəl sektor təmsil edir.—06D--