Tbilisidə səfərdə olan Azərbaycanın iqtisadiyyat naziri Şahin Mustafayev Gürcüstanın iqtisadiyyat və davamlı inkişaf naziri Dmitri Kumsişvili ilə görüşüb.
Turan məlumat verir ki, görüş zamanı gürcüstanlı nazir bildirib ki, dövlətlər arasında dost münasibətlər əlaqələrin hərtərəfli inkişafı üçün böyük imkanlar açır və yaxın zamanlarda həyata keçirilməsi nəzərdə tutulan bəzi layihələr var.
Öz növbəsində Ş.Mustafayev Azərbaycanla Gürcüstanın ərazi probleminin olduğunu xatırladıb və bildirib ki, işğal olunmuş ərazilər azad edildikdən sonra regional əməkdaşlıq genişləndiriləcək.
Nazirliyin məlumatına görə, Ş.Mustafayevin Gürcüstana ikigünlük səfəri (27-28 oktyabr) Azərbaycan prezidenti İlham Əliyevin tapşırığı ilə təşkil edilib.
Səfər zamanı Gürcüstanın bir sıra rəsmi şəxslərilə görüşlər olacaq, Azərbaycanla Gürcüstan arasında əlaqələrin inkişafına dair fikir mübadiləsi aparılacaq.
2006-cı ildən Azərbaycan Gürcüstan iqtisadiyyatına təxminən 1,7 milyard dollar səmayə qoyub, bunun 283 milyon dolları bu ilin əvvəlində qoyulub. Ötən il Azərbaycan qonşu ölkənin iqtisadiyyatına rekord həcmdə - 550 milıyon dollar sərmayə qoyub. Bu, Gürcüstanda Azərbaycan investisiyalarının ən yüksək göstəricisidir.
Dövlət Gömrük Komitəsinin məlumatına görə, 2016-cı ilin 9 ayında Azərbaycanla Gürcüstan arasında əmtəə dövriyyəsi 244,58 milyon dollar təşkil edib. Gürcüstan 221,83 milyon dollar göstərici ilə (Azərbaycan ixracının ümumi həcminin 3,39 faizi) Azərbaycanın əsas idxalçıları siyahısında 9-cu yeri tutur.71D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz