Azərbaycan hökuməti 2015-ci ilin dövlət büdcəsindən xarici ölkələrə 100 mln manat kredit ayırmaq istəyir.
Maliyyə Nazirliyinin açıqladığı gələn il üçün büdcə layihəsinə əsasən, Azərbaycan beynəlxalq layihələri aktiv kreditləşdirəcək. Hansı layihələrdən söhbət getdiyi bildirilmir.
Ötən illər Azərbaycan Serbiyaya 300 mln avro kredit verib. Kredit yol tikintisi üçün ayrılıb. 15 illik kredit 3 il güzəştli müddət olmaqla illik 4%-lə verilib.
Bakı-Tbilisi-Qars dəmir yolunun Gürcüstan hissəsinin tikintisi üçün Azərbaycan Gürcüstana ümumi məbləği $775 mln olan iki kredit ayırıb. İlk kredit ($200 mln) 25 illiyə 1%-lə verilib. İkinci ($575 mln) illik 5%-lə ayrılıb.
Azərbaycan hökuməti çoxlu xarici və beynəlxalq kredit resursları alıb. 2015-ci ildə onlara xidmət üçün 703 mln manat xərclənəcək. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz