Bu ilin 1 iyul tarixinə respublikada 531 885 nəfəri əhatə edən 120 904 ailənin hər birinə ayda orta hesabla təxminən 120 manat olmaqla ünvanlı yardım verilir. Bu barədə avqustun 6-da Əmək və Əhalinin Sosial Müdafiəsi Nazirliyində 2013-cü ilin birinci yarımilində görülən işlərin və qarşıda duran vəzifələrin müzakirəsinə həsr olunmuş kollegiya iclasında bildirilib.
Aztəminatlı ailələr üçün ehtiyac meyarının məbləği 2006-ci ildəki 30 manatla müqayisədə son 6 ildə təxminən 3,1 dəfə artırılaraq 93 manata çatdırılıb.
Nazir Füzuli Ələkbərov bildirib ki, aztəminatlı ailələrin dövlət yardımından asılılığının aradan qaldırılması və sosial reabilitasiyası məqsədilə hazırlanaraq iki il öncə sınaq işlərinə başlanılan Özünədəstək proqramı artıq öz müsbət nəticələrini verir. Belə ki, 13 rayon və şəhər üzrə proqrama cəlb olunmuş 271 ailədən 111 ailə üzrə proqram başa çatmış və cari ilin ilk rübündə aparılan monitorinq nəticəsində onlardan böyük əksəriyyətinin gəlirlərində mütəmadi artım dinamikası müşahidə edilib.
Nazirlik yanında Dövlət Məşğulluq Xidməti tərəfindən həyata keçirilən aktiv məşğulluq tədbirlərinin nəticəsi olaraq, cari ilin 6 ayında 13 777 nəfər vətəndaş münasib işlə təmin edilib, peşə hazırlığı kurslarına 1 887 nəfər cəlb olunub. 1 918 nəfər isə Əmək Birjaları tərəfindən müvəqqəti xarakterli işlərə göndərilib.
Deyilən dövrdə 4 423 müəssisədə əmək qanunvericiliyinə əməl edilməsinə dövlət nəzarəti nəticəsində aşkar olunmuş 8 054 halda qanun pozuntusu ilə bağlı müvafiq tədbirlər həyata keçirilib. 5 096 nəfər işçi ilə əmək müqaviləsinin bağlanılması təmin edilib. 08D
İqtisadiyyat
-
Azərbaycan Turizm Agentliyi, yaxınlaşan COP29 iqlim sammitində iştirak edəcək beynəlxalq qonaqları yerləşdirmək məqsədilə Bakı, Sumqayıt və Abşeron rayonlarında 300-dən çox otel və yaşayış yerini yoxlayıb. Bu yerlərdən təxminən 220-si artıq rəsmi ulduz reytinqi alıb, onlardan 10-u beş ulduz, 20-si dörd ulduz, qalanları isə müxtəlif ulduz reytinqlərinə malikdir.
-
Artıq bir neçə aydır Azərbaycanda pensiya və sosial ödənişlərin verilməsində gecikmələr olduğu bildirilir. Pensiyaçıların sözlərinə görə, gecikmələr üç-beş gün çərçivəsində olur. Məsələn, onlar vurğulayırlar ki, əlilliyə görə təqaüd ilin əvvəlində hər ayın 15-də ödənilirdisə, artıq üç aydır ki, ayın 20-si və ya 21-i ödənilir.
-
Azərbaycanın tütün ixracından əldə etdiyi gəlirlər 2024-cü ilin ilk səkkiz ayında 15,6 milyon dollara çataraq ötən ilin eyni dövründəki 3,2 milyon dollardan təxminən beş dəfə artıb. Bu kəskin artım, Azərbaycanın tütün məhsullarına beynəlxalq tələbatın genişlənməsini vurğulayır.
-
Dövlət Statistika Komitəsinin məlumatına görə, Azərbaycan bu ilin ilk doqquz ayında 11,100 ton çay idxal edib ki, bu da fiziki həcmdə 14.4%, dəyər baxımından isə 13.9% artım deməkdir. Eyni zamanda, ölkə cəmi 500 ton çay ixrac edib və bu, 4.8 milyon ABŞ dolları dəyərində olub ki, bu da Azərbaycanın daxili tələbatının 98%-ni qarşılayan idxal çayına olan güclü asılılığını vurğulayır.
Rəy yaz