Maliyyə Bazarlarına Nəzarət Palatası (MBNP) Brexit-in Azərbaycanın maliyyə bazarına birbaşa təsir göstərməyəcəyi barədə bəyanat verib.
“Mal, əmək və maliyyə bazarlarında qeyri-müəyyənliyin artacağının gözləndiyi nəzərə alınmaqla həyata keçirilmiş təhlil göstərib ki, Azərbaycan xarici ticarətinin strukturu və dinamikası, əsas ticarət tərəfdaşları ilə ABŞ dolları ilə aparılan hesablaşmalar, habelə ölkə aktivlərinin və öhdəliklərinin valyuta strukturu Brexit-in iqtisadiyyata, o cümlədən ölkəmizin maliyyə sisteminə təsirini minimuma endirib”, deyə bəyanatda bildirilir.
Eyni zamanda qeyd edilir ki, iyunun 24-də valyuta bazarı Brexit haqqında xəbərə “həssas” reaksiya verib.
MBNP vəziyyətin monitorinqini davam etdirir və Brexit-in ölkə iqtisadiyyatına dolayı, o cümlədən psixoloji təsirinin neytrallaşdırılması üçün tədbirlər görür. -16D-
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz