«Azərbaycan Dəmir Yolları» QSC 2011-ci il üçün auditor rəyi ilə təsdiq edilmiş hesabatını mətbuatda dərc edib. Azərbaycanda dövlət şirkəti ilk dəfə illik balansı açıqlayır.
Balansa əsasən, 2011-ci ildə ADY-nin aktivləri 16,2% artaraq 1 mlrd 061 mln manta olub. Ötən il şirkətin bölünməmiş mənfəəti 29,5 mln manat təşkil edib. Bu, 2010-cu ildəkindən 11,6 mln manat çoxdur. 1 yanvar 2012-ci il üçün ADY-nin öhdəlikləri 432,5 mln manatdır.
Hesabata əsaəsn, 2011-ci ildə ADY-yə pul mədaxili 230,5 mln manat təşkil edib. Yük və sərnişin daşımalarının maya dəyəri 164,7 mln manat olub. Başqa gəlirlər, inzibati və fövqəladə xərclər nəzərə alınmaqla 2011-ci ildə ADY-nin balans mənfəəti 14,5 mln manat təşkil edib. Beləliklə, nizamnamə kapitalı 599 mln manat olan QSC-nin kapitalı 1 yanvar 2012-ci il üçün 628,5 mln manatdır.
“HLB Azerbaijan” auditor şirkəti 20 iyun tarixli rəyində bildirir ki, bu maliyyə hesabatı ADY-nin 2011-ci il üçün maliyyə vəziyyətini düzgün əks etdirir.
Qanunvericiliyə əsasən, inhisarçı subyekt olan dövlət şirkətləri illik mühasibat balansını mətbuatda dərc etdirməlidir. Bu tələbə “Azerbayjan Airlines” QSC və “Azəryolservis” ASC əməl etmir. “Azərsu” ASC maliyyə hesabatını öz internet portalında yerləşdirir. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz