Paşa Bank avrobondların böyük həcmdə buraxılışının ko-meneceri kimi çıxış edən ilk özəl Azərbaycan bankıdır
Azərbaycanın aparıcı korporativ bankı olan Paşa Bank Baghlan Group-un $150 mln həcmində avrobondlarının buraxılışının ko-meneceri kimi uğurla çıxış edib. Baghlan Group bu yaxınlarda Bahar və Qum Dəniz yataqlarını işləyən Bahar Energy limited-də 33,33% pay alıb. Beləliklə, Paşa Bank avrobondların böyük həcmdə buraxılışının ko-meneceri kimi çıxış edən ilk özəl Azərbaycan bankıdır.
Bankdan verilən məlumata görə, istiqraz buraxılışının Lead-meneceri BNP Paribas-dır. Qiymətli kağızın beynəlxalq identifikasiya kodu XS0780263165, kupon dərəcəsi 14,75%, ödəniş müddəti 3 il, yerləşdirmə və faiz hesablanmasının başlanması vaxtı 27 iyundur.
Hüquqi şəxslərə anderraytinq üzrə xidməti Paşa Bank ötən ilin əvvəlindən təklif edir. Bank cəmi 4 emitentin $90 mln məbləğində korporativ istiqrazını buraxıb (bank və telekommunikasiya da daxil, müxtəlif sahələr).
Paşa Bank gələcəkdə bazarın peşəkar iştirakçısı kimi mövqeyini möhkəmləndirmək, yeni emitentlərin buraxılışını təşkil etmək, qiymətli kağızların təkrar bazarını inkişaf etdirmək istəyir. --15D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz