Azərbaycanda gənc sahibkarlar üçün yeni imkanlar yaradılır

«Vətəndaş Cəmiyyətində Debat» İB (DVC), Coca-Cola şirkəti və zərbaycan Respublikasının Gənclər və İdman Nazirliy əməkdaşlığa dair memorandum imzalayıb. 18 fevralda imzalanan sənəd “Youth Inc” proqramının birgə inkişaf etdirilməsi, gənclərin sahibkarlıq fəaliyyətinin dəstəklənməsi, gənc sahibkarlar üçün xüsusi alətlərin və imkanların yaradılmasını nəzərdə tutur.  

Həmçinin Gənclərin Sahibkarlıq Proqramının (“Youth Inc”) 2-ci mərhələsinin təqdimat mərasimi keçirilib.

Həmçinin www.youthinc.az internet portalı təqdim edilib. Portal vasitəsi ilə gənc sahibkarlar sosial şəbəkə formatında ünsiyyət qurub, öz məhsul və xidmətlərini təqdim edib, eləcə də digər sahibkarlarla forum vasitəsi ilə məsləhət ala bilərlər   «Gələcək bu günkü gənclərdən asılıdır. Məhz bu səbəbdən “Coca-Cola” şirkətinin əsas strateji vəzifələrindən biri Azərbaycanda gənc sahibkarlığın potensialının tam realizəsini təmin etməkdir. Şirkətimiz dayanıqlı yerli cəmiyyətin inkişafına və dəstəklənməsinə vaxt, təcrübə və resurs ayıracaq», - deyə “Coca-Cola” şirkətinin Qafqaz və Mərkəzi Asiya ölkələri üzrə ictimaiyyətlə əlaqələr və kommunikasiya üzrə meneceri Oleq Piletski bildirib. 

Tədbirdə həmçinin, biznes inkubasiya sahəsində Azərbaycan dilində ilk olan “Youth Inc. Biznes İnkubassiya Proqramının Yaradılması və İnkişafı” kitabının təqdimatı da olub. 

«Azərbaycan gəncləri 2011-2015-ci illərdə» dövlət proqramı çərçivəsində 4 biznes klub yaradılıb, 2 min gəncə təlim keçirilib, 7 yeni gənc biznesi yaradılıb, 3 gənc sahibkar yeni investisiyalar cəlb edib. 

Qeyd edək ki, “Youth Inc” bir neçə mərhələdən ibarət olmaqla, uzunmüddətli gənclər proqramıdır.

Proqramın birinci mərhələsinə 2013-cü ilin yanvar ayında start verilib. Proqram paytaxtda və digər böyük şəhərlərdə yaşayan gənclərə biznes və sahibkarlıq haqqında kifayət qədər bilik və bacarıqların verilməsinə yönəlib. 08D