Yanvar-fevral aylarında Azərbaycanda neft məhsullarının istehsalı 2014-cü ilin analoji dövrü ilə müqayisədə 8% azalaraq 389 mln 276,1 min manat təşkil edib.
Dövlət Statistika Komitəsinin məlumatına görə, mazut istehsalında 99,5% (0,2 min ton), kerosin istehsalında 7,9% (106,6 min ton), sürtkü yağları istehsalında 65,8% - 2,6 min tona qədər, neft bitumu istehsalında 53,4% - 19,7 min tona qədər azalma qeydə alınıb.
Yanvar-fevral aylarında avtomobil benzini istehsalında 0,7% (199,4 min ton), ilkin emal benzini istehsalında 36,4% (20,6 min ton), dizel yanacağı istehsalında 18,3% (480,9 min ton) artım olub.
Hazırda Azərbaycanda Heydər Əliyev adına Bakı neft emalı zavodu fəaliyyət göstərir. 1 yanvar 2015-ci ildən etibarən “Azərneftyağ” NEZ bu zavodun tərkibinə daxildir. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz