Bakı/19.09.16/Turan: Əmlak Məsələləri Dövlət Komitəsi 14 sentyabrda keçirilən hərracların nəticələrini açıqlayıb. İki obyekt üzrə rəqabətli satış olub.
Bakının mərkəzi küçələrindən birində yerləşən, start qiyməti 29 400 manat olan 20 kv m-lik köşk 66 000 manata satılıb. Ucqar qəsəbədəki mağaza (97,5 kv m) start qiyməti 19 000 manat olmaqla 38 500 manata satılıb. Bakı və regionlardakı qalan 16 obyekt start qiymətinə satılıb.
Hərraclara cəmi 28 kiçik müəssisə və obyekt çıxarılıb. Onların 10-a alıcı olmayıb.
2000-ci ilin avqustunda II özəlləşdirmə başlayandan bu, ilk rəqabətli hərracdır.
Bu obyektlərdən başqa, hərraclarda 9 SC-nin (993 601 ədəd) 30%-lik səhm paketi nominal qiymətin (2 manat) 50%-ə satılıb. Bunlar əsasən Bərdə, Sabirabad, Tərtər və Şirvan pambıqtəmizləmə zavodlarının səhmləridir.
1990-cı illər buraxılışı 3 Mİ-8 MTV1 vertolyоtuna da alıcı tapılıb.
Həmçinin 4 minik avtomobili və 2 qeyri-yaşayış sahəsi satılıb.
Bu hərraclar nəticəsində dövlət büdcəsinə 1 mln 840 min 208 manat gəlir daxil olacaq.
Növbəti hərraclar sentyabrın 20-də olacaq. 08B
İqtisadiyyat
-
Orta Korridor (Transkaspiyalı Beynəlxalq Nəqliyyat Marşrutu, TMTM) boyunca yüklərin daşınması 2024-cü ildə rekord 3,3 milyon ton təşkil edib ki, bu da illik 20%-lik artım deməkdir, deyə Beynəlxalq “Transkaspiyalı Beynəlxalq Nəqliyyat Marşrutu” Assosiasiyasının Baş Katibi Xeydar Abdikəlimov bildirib.
-
Azərbaycanın milli aviadaşıyıcısı AZAL və İsrailin El Al aviaşirkəti kod-şer razılaşması çərçivəsində yeni tərəfdaşlıqlarını elan ediblər, bu da hər iki aviaşirkətin sərnişinlərinə birgə reyslərdən yararlanmaq imkanı verəcək, şirkətlər bazar günü verdikləri bəyanatda bildiriblər.
-
Təxminən beş illik fasilədən sonra Azərbaycan, Rusiya və Gürcüstan arasında sərnişin qatarlarının hərəkəti bərpa oluna bilər. İlkin planlara əsasən, mart və ya aprel aylarında bu marşrutlar yenidən fəaliyyətə başlaya bilər. Lakin Bakı rəsmiləri ehtiyatlı yanaşmalarını bildirir və quru sərhədlərindəki məhdudiyyətlərin hələ də qüvvədə olduğunu qeyd edirlər.
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
Rəy yaz