2013-cü il avqustun 1-i üçün Azərbaycanda işsizlik səviyyəsi 5,1% olub. Azərbaycanda rəsmən 239,5 min işsiz var. Bu, ilin əvvəlindəkindən 3,6 min nəfər azdır, deyə Dövlətstatkomda Turan-a bildiriblər. Son 3 ildə ölkədə işsizlik 20 min nəfər azalıb.
DSK-nın hesablamasına görə, bu il avqustun 1-i üçün iqtisadi aktiv əhalinin sayı 4 729 min nəfər olub. İlin əvvəli ilə müqayiəsədə bu göstərici 40,6 min nəfər artıb. Əmək fəaliyyəti ilə 4 489,5 min nəfər məşğul olub. Bu, yanvarla müqayisədə 44,2 min nəfər çoxdur.
Maraqlıdır ki, hökumət bu ilin I yarısında 58,7 min yeni iş yerinin açıldığını iddia edir, onların 44,7 mini daimidir.
Bu il avqustun 1-i üçün Məşğulluq Xidməti 37 166 nəfərə işsiz statusu verib. Bunun 36%-i Bakıda yaşayır. Amma belə status alanların hamısın müvafiq müavinət verilmir. İşsizlik üzrə müavinətin orta göstəricisi 222,6 manatdır.
Qeyd edək ki, bu il iyulun 1-i üçün Azərbaycanın əhalisi 9 411,8 min nəfər olub. Beləliklə, əhalinin 50,2%-i aiqtisadi cəhətdən aktivdir. --08D—
İqtisadiyyat
-
Kiçik və Orta Sahibkarlıq Agentliyi (KOBİA) və İqtisadiyyat və Ekologiya və Təbii Sərvətlər Nazirliklərinin birgə təşkilatçılığı ilə bu gün Bakı şəhərində kiçik və orta sahibkarlıq (KOS) sektoru üçün yaşıl iqtisadiyyatda rolu müzakirə edən bir konfrans keçirilmişdir.
-
Sentyabrın qızılı günəşi altında, 2024-cü il sentyabrın 7-8-də Şamaxının Meisari kəndində Üçüncü Üzüm və Şərab Festivalı keçirildi. Bu tədbir şərab həvəskarları və turistləri Azərbaycanın qədim şərabçılıq ənənələrini qeyd etmək üçün bir araya gətirdi. Dövlət Turizm Agentliyinin təşkil etdiyi festival, ölkənin üzümçülük sahəsini dirçəltmək, yerli istehsalı artırmaq və ixrac imkanlarını genişləndirmək istiqamətindəki səylərini ön plana çıxardı.
-
Azərbaycan “Eurovision” üçün Crystal Hall, Bakı Olimpiya Stadionu və “Şahdağ” xizək kurortu daxil olmaqla, miqyaslı infrastruktur layihələrinə 1,6 milyard dollardan çox vəsait xərcləyib. Lakin London Biznes Məktəbinin məzunu və Sage Solutions şirkətinin direktoru Fikrət Məmmədovun sözlərinə görə, bu xərclər ölkə iqtisadiyyatına uzunmüddətli fayda gətirməyib.
-
İqtisadçı Qubad İbadoğlunun məqaləsində qeyd olunur ki, 2020-ci ildə 44 günlük İkinci Qarabağ müharibəsinin nəticələri Azərbaycan iqtisadiyyatına birbaşa xarici investisiyaların (BXİ) reytinqini əhəmiyyətli dərəcədə dəyişib. Son məlumatlar Rusiya, Türkiyə və Çindən xüsusilə işğaldan azad edilmiş ərazilərə yönəlmiş investisiyaların nəzərəçarpacaq dərəcədə artdığını göstərir. Bununla belə, inhisarçılıq, məhkəmə müstəqilliyinin olmaması və hökumətin dövlətlərin “dost” və ya “qeyri-dost” kimi təsnifatı kimi maneələr marağı azaltdığından Qərb investisiyaları məhdud olaraq qalır.
Rəy yaz