Bu gün Dövlət Statistika Komitəsi 2014-cü ildə Azərbaycanın sosial-iqtisadi inkişafı haqqında hesabat hazırlayıb. Bundan 10 gün öncə bu, prezident İlham Əliyevin sədrliyi ilə Nazirlər Kabinetində müzakirə olunmuşdu.
Ötən il Azərbaycanda ümumi daxili məhsul (ÜDM) istehsalının həcmi 58 997,8 mln. manat təşkil edib ki, bu da əvvəlki ildə olduğundan 2,8% çoxdur. ÜDM-in 60,1%-i (36 mlrd. dollara yaxın) qeyri-neft sektorunun payına düşür, artım 7% olub.
Neft üzrə ÜDM (23 mlrd. manat) ötən il 2,9% azalıb.
Ötən il adambaşına ÜDM 6 264,1 manat və ya $8000-a yaxın olub ki, bu da 2013-cü ilin göstəricisindən 5% çoxdur.
ÜDM strukturunda sənayenin xüsusi çəkisi 41,5%, kənd təsərrüfatı 5,3%, tikinti 12,5% təşkil edib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz