Noyabrın 2-də Nazirlər Kabineti yaşıllıqların qorunması sahəsində iqtisadi həvəsləndirmənin forma və qaydalarını təsdiq edib. Qaydalar “Yaşıllıqların qorunması haqqında” qanuna uyğun olaraq hazırlanıb və meşə fondunun torpaqları, xüsusi qorunan təbiət əraziləri və obyektlər, həyətyanı özəl təsərrüfatlar və əkin sahələri istisna olmaqla yaşıllıqların qorunmasının iqtisadi həvəsləndirilməsi mexanizmini nəzərdə tutur.
İqtisadi həvəsləndirmə tədbirləri yaşıllıqların bərpası və genişləndirilməsinə yönəlib.
Yaşıllıqların qorunması sahəsində həvəsləndirmənin maliyyələşmə mənbəyi dövlət büdcəsindən maliyyələşən strukturların büdcədənkənar fondlarıdır, digər təşkilatların öz fəaliyyətlərindən əldə etdikləri vəsaitlərdir.
İqtisadi həvəsləndirmə mənbəyi həmçinin yerli büdcələrin, tikinti layihələrinin ekoloji bölmələrinin vəsaitləri, vətəndaşların, şirkətlərin, yerli və beynəlxalq donorların maliyyə yardımıdır.
Yaşıllıqların mühafizəsi sahəsində iqtisadi həvəsləndirmə formaları fəxri diplomlarla təltif edilmə, pul və ya xatirə hədiyyəsi ilə mükafatlandırılma, yaşıllıq salınması və bərpası məqsədi ilə su təminatını yaratma və əkin materialları, avadanlıq, inventar və digər vasitələrlə əvəzsiz təmin edilmədir. Yaşıllıqların salınması, bərpası, genişləndirilməsi və mühafizəsi sahəsində qabaqcıl təcrübənin geniş tətbiqi və respublikada yayılması ümumrespublika müsabiqəsinin təşkili də planlaşdırılır.
Yaşıllıqların mühafizəsi sahəsində iqtisadi həvəsləndirmə tədbirlərini bələdiyyələr, yerli və mərkəzi icra hakimiyyəti orqanları keçirir. Onlar vətəndaş cəmiyyəti nümayəndələri cəlb etməklə komissiya formalaşdırır. Həvəsləndirmə subyektləri bu işlərə cəlb edilmiş vətəndaşlar, hüquqi şəxslərdir.
İqtisadi həvəsləndirmə hər ilin sentyabrında tətbiq edilir.
Müəssisə və təşkilatlara minimal əmək haqqının 5 misli məbləğində (550 manat); bilavasitə işlərə cəlb edilənlərə vəzifə maaşının iki misli; vətəndaşlara ağaclara qulluğa görə 800 manat mükafat verilir. Əgər yaşıllıqların mühafizəsi 5 il davam edərsə, şirkətlər və vətəndaşlar 1500 manat əlavə mükafat alır. 08D
İqtisadiyyat
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
Rəy yaz