Azərbaycanın 2017-ci il üçün dövlət büdcəsinin ilkin proqnozu açıqlanıb

Maliyyə Nazirliyi gələn il üçün Azərbaycan dövlət büdcəsinin ilkin proqnozunu açıqlayıb.

Gəlir hissəsi 15 mlrd. 955 mln. manat, xərclər hissəsi 16,6 mlrd. manat təşkil edəcək, təxmin olunan defisit 645 mln. manata bərabər olacaq.

Ənənəvi olaraq ən böyük hissə Dövlət Neft Fondunun payına düşür (6,1 mlrd. manat və ya 38,23%), bu ölkə prezidentinin 2017-ci ilin may-iyun aylarında bu qurumdan müxtəlif layihələrin həyata keçirilməsinə əlavə vəsait ayrılması haqqında sərəncam verməsinə mane olmayacaq.

Vergilər Nazirliyinin xəzinəyə ƏDV qismində 4 mlrd. və hüquqi şəxslərin gəlir vergisi qismində 2 mlrd. 68 mln. manat, fiziki şəxslərdən vergilər qismində 1,14 mlrd., aksiz vergisinə tabe olan mallardan 638 mln., sadələşdirilmiş vergidən 313 mln. manat ödəyəcəyi təxmin edilir.

Dövlət Gömrük Xidməti idxal mallardan ƏDV kimi 1 mlrd. 639 mln. manat ödəyəcək.

Dövlət büdcəsinin xərclər hissəsi belədir: ümumi dövlət ehtiyacları üçün – 2 mlrd. 997,7 mln. manat, dövlət borcunun ödənişi və öhdəliklər üzrə ödəmələr üçün – 1 mlrd. 768,8 mln., birgə müdafiə ixərclər üçün – 3,1 mlrd.-dan bir qədər çox, məhkəmə sistemi, prokurorluq və hüquq-mühafizə orqanları üçün – 1 mlrd. 233,47 mln., təhsilə - 1 mlrd. 859,5 mln., səhiyyəyə - 775,79 mln., sosial təminata, o cümlədən təqaüd və yardımların ödənilməsinə - 2 mlrd. 117,72 mln. manat. -17D-