Azərbaycan rəqabətlilik reytinqində formal göstəricilərə görə mövqeyini yaxşılaşdırıb

Azərbaycan Dünya İqtisadi Forumunun (World Economic Forum, WEF) hər il tərtib etdiyi rəqabətlilik reytinqində mövqeyini 3 pillə yaxşılaşdırıb. 2016-17-ci il üzrə reytinqdə Azərbaycan 138 ölkə arasında 37-ci olub.

Reytinqə əsasən, Azərbaycanın 7 mümkün baldan 4,6 bal toplayıb. Araşdırıcıların fikrincə, bu, islahatların daha da genişlənməsi sayəsində mümkün olub.

Son illər ölkə biznesin başlanması üzrə prosedurlarda 3-cü, bu seqmentdə vaxta görə 9-cu, qadınların əmək bazarına cəlb edilməsinə görə 18-ci yerə yüksəlib.

İnternetin əhatəsinə görə ölkə 33-cü, investorların müdafiəsinə görə 36-cı, makroiqtisadiyyat üzrə 39-cu, dövlət borcuna görə 41-ci, innovasiyalar üzrə 44-cü olub.

Azərbaycan maliyyə bazarlarının inkişafına görə 97-ci, texnoloji hazırlığa görə 55-ci, bazarın həcminə görə 63-cü, biznesə dəstəyə görə 60-cı yeri tutub.

Əvvəllər olduğu kimi, MDB-də liderdir. RF 43-cü, Qazaxıstan 53-cü, Gürcüstan 59-cu, Tacikistan 77-ci, Ermənistan 79-cu, Ukrayna 85-ci, Moldova 100-cü, Qırğızıstan 111-cidir.

İsveçrə yenə reytinqə başçılıq edir. Sinqapur, ABŞ, Niderland, Almaniya, İsveç, Böyük Britaniya Yaponiya Honkonq və Finlandiya növbəti yerlərdə qərarlaşıb. Çad, Həbəşistan, Yəmən reytinqin sonundadır. --17D—