Azərbaycanın bank sistemi haqqında hesabat

Azərbaycan Mərkəzi Bankının məlumatına görə, Azərbaycanda bankların ümumi aktivləri 28 mlrd 632,5 mln manat təşkil edir. Bu, ilin əvvəlindəkindən 13,7% çoxdur. Bankların aktivlərinin strukturunda müştərilərə verilən kreditlər 19 mlrd 169,9 mln manat (67%) olub.

2015-ci il martın 1-nə bankların müxbir hesabları 2 mlrd 16,3 mln manat (artım 10,2%) və ya bütün aktivlərin 7%-ni, nağd vəsaitlər 1 mlrd 331,7 mln manat (artım 26,5%) və ya 4,7%, investisiyalar 2 mlrd 594,1 mln manat (artım 18,6%) və ya 9,1% təşkil edir.

Maliyyə sektoruna verilmiş kredit və depozitlər 1 mlrd 298 mln manat (+27,5%) və ya bütün aktivlərin 4,5%-i, digər aktivlər 2 mlrd 222,5 mln manat (artım 15,7%) və ya 7,8% olub.

Passivlər arasında öhdəliklər birinci yerdədir - 24 mlrd 521,6 mln manat (artım 16,6%) və ya bütün passivlərin 85,64%-i.

Bunun 12 mlrd 470,2 mln manatı depozitlərin, 10 mlrd 385,9 mln manatı maliyyə sektorundan alınan kredit və depozitlərin, 1 mlrd 665,5 mln manatı başqa öhdəliklərin payına düşür.

AMB-nin məlumatına görə, 2015-ci il martın 1-ə Azərbaycanda 45 bank fəaliyyət üçün lisenziyaya malikdir. --17D—