Azərbaycanın iqtisadi tarazlıq modeli

Bu gün İqtisadi İnkişaf Nazirliyində “Azərbaycanda ümumi tarazlıq modeli: görülmüş işlər, yekunlar və perspekivlər”in təqdimatı keçirilib. 

Nazir müavini Sevinc Həsənova jurnalistlərə bildirib ki, yerli iqtisadiyyatın gələcək uğurlu inkişafı üçün proqnozlaşdırmanın mükəmməl metodları və ümumi tarazlıq modelindən istifadə  (AZMOD) lazımdır. 

Ölkə rəhbərliyi investisiya, o cümlədən xarici layihələrə böyük vəsaitlər qoyur, ona görə də bu sahədə də yoxlanılmış addımlar üçün dəqiq modelləşdirmə və proqnozlaşdırma tələb olunur.  

Məmurun sözlərinə görə, “Azərbaycan-2020: gələcəyə baxış” konsepsiyası layihəsi ilə əlaqədar AZMOD vəziyyətin təhlili və proqnozlaşdırılması üçün mühüm alətdir. Layihəyə görə, 8 ildən sonra ölkənin ümumi daxili məhsulu (ÜDM) iki dəfə artaraq 100 mlrd. manatdan çox olacaq.

Perspektiv model kənd təsərrüfatını, ovçuluq, balıqçılıq və meşə təsərrüfatını, elektrik enerjisi sektorunu, qaz və su, nəqliyyat, poçt və ticarət xidmətləri, səhiyyə, mehmanxana biznesi və s. əhatə edəcək.

AZMOD siyasətçilər üçün də istiqamət olacaq, onlar müxtəlif siyasi tədbirlərin həm ümumilikdə iqtisadiyyata, həm də onun müxtəlif sahələrinə təsirini qiymətləndirə biləcəklər. Ticarət siyasətinin təhlilində də bu model əvəzsizdir. --17D—