Azərbaycanın sığorta bazarı il ərzində 130 mln manat güclənib

Gözlənildiyi kimi, "Paşa Sığorta" şirkəti ötən il «çempion” olub və mövsüm ərzində 4 dəfədən çox güclənib. Dövlət Sığorta Nəzarəti Xidmətinin məlumatına görə, onun hesabında 46 mln 687,89 min manat və ya bütün mükafatların 13,63%-i var. 

 «AzSığorta»nın ikinciliyi (39 mln 797,15 min manat) və "Atəşgah" (37 mln 812,72 min manat) şirkətinin üçüncülüyü də gözlənilirdi. Amma gözlənilmədən "AzərSığorta" dördüncü olub. Şirkət 34 mln 562,1 min manat toplayıb və ötən ilki göstəricisini yaxşılaşdırıb (cədvələ bax). Ümumilikdə bu 4 şirkət 28 sığortaçının mükafatlarının 46,38%-i toplayıb. 

Qalan şirkətlər yaxşı nəticələr göstərsə də, lider kvartetə yaxınlaşa bilməyiblər. Belə ki, "Standard Insurance" 21 mln 314,320 min manatla beşinci, "AXA Mbask" 17 mln 697,58 min manatla 6-cı olub. Onluğun daimi üzvü "Atəşgah Həyat" 15 mln 757,92 min manatla ən yaxşı həyat sığortaçısıdır. Əvvəlki il o, 9-cu idi, indi 7-ci yerdədir. 

Hər zaman sabit olan (10 mln və çox) Beynəlxalq Sığorta Şirkəti 14 mln 780,69 min manat toplayaraq rekordunu qeydə alıb. Bu, əvvəllər ona ikinci və ya 3-cü yer təmin edə bilərdi, amma indi 8-ci nəticədir. "Paşa Həyat Sığorta" yarandığını 2-ci ilində 14 mln 696,54 min manat mükafat yığıb. "A-Qroup" 13 mln 944,99 min manatla öz rekordunu müəyyən edib. 

Ümumilikdə şirkətlər 342 mln 519,35 min manat mükafat yığıblar. Bu, əvvəlki ildəkindən (212,98 mln) 37,9% çoxdur. Daha bir məqam – əgər 2011-ci ilin sonunda 20 şirkətin mükafatları milyondan çox idisə, indi 25 milyonçu var. Üç şirkət milyon həddinə çatmayıb: «Royal Sığorta» (80,49 min manat), Gunay Sığorta (454,91 min manat) və «Era Trans» (916,68 min manat). 

«Paşa Sığorta» sığorta ödənişləri üzrə liderdir - 22 mln 871,56 min manat (bazarın 24,37%-i). Bunun sirri onun korporativ müqavilələrinin sosial yönlü olması ilə bağlıdır. Ötən ilin əvvəlində ARDNŞ şirkətin hesabına tibbi sığorta üçün 20 mln manat köçürüb. 

Liderdən sonra "AəerSığorta" - 11 mln 771,92 min manat, "Atəşgah" - 9 mln 429,78 min manat, BSŞ gəlir - 6 mln 432,1 min manat. «A-Qroup»un 6 mln 60,38 min manat, AXA Mbask-ın 5 mln 867,94 min manat, «Standard Insurance»ın 5 mln 337,777 min manatı da qeyd etmək lazımdır.  

Ödənişçilərin onluğuna "Atəşgah Həyat" (3 mln 719,98 min manat), "AzSığorta" (3 mln 656,54 min manat) və "AtaSığorta" (2 mln 608,31 min manat) da daxildir. 

Ötən il sığortaçıların məcmu ödənişləri 93 mln 860,88 min manat olub. --17D—

 

Rəy yaz

İqtisadiyyat

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti