Azərbaycanla DB kənd təsərrüfatının rəqabət qabliyətliliyinin gücləndirilməsi üzrə yeni layihə hazırlayıb

Dünya Bankı Azərbaycan hökumətinə aqrar sektorun inkişafı üzrə yeni layihə təqdim edib. Noyabrın 26-da kənd təsərrüfatı naziri Heydər Əsədovun Dünya Bankının Azərbaycan üzrə ölkə meneceri xanım Larisa Leşçenko ilə görüşündə Dünya Bankı ilə kənd təsərrüfatı sahəsində əməkdaşlığın mövcud vəziyyətinin və perspektivlərinin müzakirəsi olunub. 

Kənd Təsərrüfatı Nazirliyinin mətbuat xidmətində Turan-a deyiblər ki, Əsədov yeni layihənin (“Kənd Təsərrüfatının Rəqabət Qabliyətliliyinin Gücləndirilməsi”) təqdirəlayiq olduğunu bildirərək tezliklə həyata keçirilməsi üçün öz səylərini əsirgəməyəcəyini bildirib. Kredit müqaviləsinin imzalanma vaxtı və qiyməti açıqlanmır. 

KTN  Dünya Bankından “Azərbaycanda heyvanların kəsim sexlərinin müasir tələblər səviyyəsində qurulmasında sivil dönüş etmək üçün texniki dəstəyin göstərilməsini, istehsal olunmuş məhsulun istehlakçılara çatdırılmasında texniki yardımın göstərilməsini, aqrar sahədə kadr hazırlığı sahəsində sistemli dəyişiklik edilməsi, kənd təsərrüfatının yeni inkişaf konsepsiyasının hazırlanmasına texniki dəstəyin göstərilməsini” istəyib. 

DB Azərbaycanda fermer və digər sahibkarların maliyyə vəsaitlərinə və məlumatlara çıxışlarını yaxşılaşdırmaq, özəl baytarlıq şəbəkəsinin yaradılması, infrastruktur və sosial yönümlü icma mikrolayihələri (kənd yollarının təmir-bərpası, içməli su təchizatı, məktəb və tibb məntəqələrinin bərpası və s.) maliyyələşdirib.     08D