Bu gün Azərbaycanla Gürcüstan arasında qazın alqı-satqısı üzrə yeni saziş bağlana bilər. Bu barədə Turan Agentliyinə SOCAR şirkətində məlumat veriblər.
Artıq SOCAR top-menecerləri sazişin son variantı ilə tanış olmaq üçün Tbilisiyə uçublar. Hər iki tərəfin ekspertləri saziş üzərində bir neçə həftə işləyib.
Ötən həftə Gürcüstan energetika nazirinin müavini Mariam Valişvili bəyan edib ki, Azərbaycanla sazişin müəyyən şərtləri üzrə işlər aparılır. Bu şərtlərə yenidən baxılmalıdır. Onun sözlərinə görə, yeni sazişdə qiymöət siyasəti və müəyyən həcmlərə baxılacaq.
Turan-a məlum olub ki, yeni sazişdə fiksə edilmiş qiymət olamyacaq. Qazın qiyməti hər rüb formulla müəyyən ediləcək. Qazın qiyməti neft və mazutun qiymətinə bağlı olacaq.
Azərbaycan Gürcüstana qaz ixracına 2007-ci ilin yanvarında başlayıb. O vaxt “Qazprom” qiyməti iki dəfə qaldırmışdı. Ötən il Azərbaycan Gürcüstan bazarına 2,1 mlrd kubmetr qaz tədarük edib. Bunun 1,3 mlrd-ı SOCAR, 800 mln kubmetr “Şahdəniz” konsorsiumunun qazıdır. –12В--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz