Barselonada keçirilən mobil sənaye sərgisi Mobile World Congress 2013 çərçivəsində Azərbaycanın Mobitel şirkəti ilə İsrailin Lifewatch şirkəti arasında tibbi sensor diaqnostika smartfonlarının gətirilməsi haqda saziş imzalanıb.
Azərbaycan Respublikası Rabitə və İnformasiya Texnologiyaları Nazirliyinin saytı (http://mincom.gov.az/media-ru/novosti/details/856) xəbər verir ki, müqaviləyə əsasən, artıq 2013-cü ilin ikinci rübündə Azərbaycanda sensorlu tibbi diaqnostika funksiyasına malik unikal smartfonların satışına başlanacaq. İndiyədək dünyada analoqu olmayan bu smartfon istifadəçiyə elektrokardioqram (ECG), qanda şəkərin, oksigenlə zənginliyin səviyyəsinin, nəbzin, temperaturun ölçülməsi kimi bir sıra tibbi prosedurları müstəqil aparmağa imkan verəcək.
Son 20 ildə tibbi avadanlığın işlənib hazırlanmasında və istehsalında ixtisaslaşan Lifewatch şirkəti dünyada ilk dəfə olaraq özünün işləyib hazırladığı tibbi sensorları mobil smartfona inteqrasiya edərək, onu əsl tibbi diaqnostika cihazına çevirib, üstəlik, smartfonu müasir tələblərə uyğun hazırlayıb. Onu təyinatı üzrə də istifadə etmək olar. Mobitel şirkətinin ilkin proqnozlarına görə, smartfon bu ilin may-iyun aylarında satışa çıxarılacaq. Sonra həmin cihazlar ABŞ, Almaniya, İspaniya, Türkiyə və bir çox digər ölkələrin bazarlarında satılacaq. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz