Bu ilin iki ayında Azərbaycanda pərakəndə satış strukturunda ərzağın xüsusi çəkisi 56,1% olub. Bu, ötən ilin eyni dövrü ilə müqayisədə 3,8% azdır. Rəsmi statistikaya görə, vətəndaşlar qeyri-ərzaq mallarına daha çox pul xərcləyir. Statistika etiraf edir ki, pərakəndə ticarətin real uçotu yoxdur.
DSK-ya görə, 2013-cü ilin yanvar-fevral aylarında pərakəndə ticarət şəbəkəsində 2847,5 milyon manat məbləğində və ya 2012-ci ilin eyni dövrü ilə müqayisədə 8,8 faiz çox istehlak malları satılıb. Statistika bildirir ki, qeyri-ərzaq mallarının satış həcmi 18,6 faiz, ərzaq məhsullarının satış həcmi 2,1% artıb. Hökumət əhaliyə təlqin edir ki, insanlar daha yaxşı yaşayır, ərzağa yox, başqa mallara xərcləyir. Müqayisə üçün qeyd edək ki, 1996-2010-cu illərdə pərakəndə ticarətdə ərzaq mallarının xüsusi çəkisi 70-59% idi. Dövlətstatkom 2008-2010-cu illərin dünya böhranı zamanı pərakəndə ticarətin artımını «qeydə alıb».
Rusiyada tütün və içkilər də daxil pərakəndə ticarətdə ərzaq mallarının xüsusi çəkisi 2012-ci ilin yanvarında 47,5%, qeyri-ərzaq mallarının həcmi 52,5% (2011-ci ilin yanvarında 49% və 51%) olub.
DSK-ya görə, 2013-cü ilin yanvar-fevral aylarında əhali ərzağa ayda orta hesabla 86,3 manat, qeyri-ərzaq mallarına 67,6 manat xərcləyib. --08D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz