Azercell 3 nominasiyada Stevie Biznes mükafatına layiq görülüb
Azərbaycanın mobil operatoru Azercell Telekom telekommunikasiya sahəsində tətbiq etdiyi yenliklərə və həyata keçirdiyi innovativ layihələrə görə 3 nominasiya üzrə nüfuzlu Stevie Beynəlxalq Biznes mükafatını (İnternational Business Awards Stevie) qazanıb:
İlin ən yaxşı məhsulu (“Bölgə” tarifi);
İlin Telekommunikasiya Şirkəti (telekommunikasiya sahəsindəki nailiyyətlər);
İlin ən yaxşı Müştəri Xidməti.(Müştəri Loyallığl İndeksinin ölçülməsinə dair layihə).
Dünyanın 200-dən çox nüfuzlu biznes eksperti, şirkət sahibi və iş adamlarından ibarət beynəlxalq münsiflər heyətinin səsverməsi nəticəsində Azercell Telekom-un bu il regionlarda yaşayan abunəçiləri üçün istifadəyə verdiyi “Bölge” tarifi, “İlin ən yaxşı məhsulu” nominasiyasında qaliblərdən biri oldu. Azercell eyni zamanda şəbəkəsini 20% gücləndirib, genişləndirilməsi, 4G şəbəkəsinin istifadəyə verilməsi, ölkədə ən sürətli Mobil İnternetin təqdim edilməsi, ən yeni texnologiyaların Azərbaycan bazarında tətbiqi və s. nailiyətlərinə görə “İlin telekommunaksiya” şirkəti seçildi. Ən nəhayət, şirkət 3-cü mükafatını “İlin ən yaxşı Müştəri Xidməti” nominasiyası üzrə Müştəri Loyallığı İndeksi olan NPS-in(Net Promoter Score) ölçülməsinə dair sistemin tətbiqinə görə alıb.
Seçilən qaliblər 2014-cü ilin oktyabr ayında Beynəlxalq Biznes mükafatının Parisdə keçiriləcək təntənəli tədbirində mükafatlandırılacaq.
"Stevie" mükafatının məqsədi dünyanın müxtəlif ölkələrində uğur qazanmış şirkətlərin tanıdılmasıdır. Müsabiqənin missiyası nümunəvi təşkilatların profilinin yüksəldilməsi, mətbuat, işgüzar aləm və geniş ictimaiyyət arasında fərqlənən fərdlərin fəaliyyətinin qiymətləndirilməsidir.Təsis olunduğu qısa müddət ərzində "Stevie" dünya işgüzar aləmində ən mötəbər mükafatlardan birinə çevrilib. İlk dəfə 2002-ci ildə "American Business Awards" mükafatının təqdimatı keçirilib. 2003-cü ildə isə "International Business Awards" təqdim edilib. Növbəti illərdə uğurlu qadın biznesmenlərə, daha sonra müştəri xidmətləri ilə fərqlənən qurumlara "Stevie" mükafatı təqdim edilib.
Qeyd edək ki, Azercell Telekom 2011-ci ildə Sosial Məsuliyyət layihələrinə görə İlin İctimaiyyətlə Əlaqələr Kampaniyası, 2012-də isə Karbon Kalkulyator layihəsinə görə İlin Kreativ Komandası nominasıyasında Stevie mükafatına layiq görülmüşdü. –17D—
-
- Cəmiyyət
- 20 Avqust 2014 13:54
-
- İqtisadiyyat
- 20 Avqust 2014 14:24
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz